Хятадад багшилж байсан АНУ-ын дөрвөн коллежийн багш хөл хөдөлгөөн ихтэй олон нийтийн цэцэрлэгт хүрээлэнд явж байгаад хутгалуулсан хэрэг гарчээ.

Айова мужийн Маунт-Вернон дахь хувийн либерал урлагийн коллеж болох Корнелл коллежийн сурган хүмүүжүүлэгчид Даваа гарагт Хятадын зүүн хойд нутгийн Жилин хотын Бэйхуа их сургуультай түншлэлийн хөтөлбөрт хамрагдаж байсан гэнэ. Корнеллийн коллежийн ерөнхийлөгч Жонатан Бранд хэлэхдээ, "Бид дөрвөн багштай бүгдтэй нь холбоотой байсан. Тэдэнд бүхий л талаар тусалж байна" гэжээ.

Даваа гарагт Хятадын олон нийтийн сүлжээгээр цацагдсан боловч нэн даруй устгагдсан тухайн халдлага үйлдэгдсэний дараах бичлэгт хоёр эрэгтэй, нэг эмэгтэй багш цусандаа хутгалдсан байдалтай газар хэвтэж байгааг харуулжээ.

Тэд үхлийн шарх аваагүй. Халдлагын нарийн ширийн зүйлс, тэр дундаа халдагч эсвэл халдагчийн сэдэл, хэн болох нь тодорхойгүй байгаа бөгөөд Хятадын эрх баригчид уг хэргийг нууцалж байгаа сурагтай.

Бэйхуа их сургуулиас хагас цаг хүрэхгүй зайд орших Жилин хотын төвд байдаг алдартай ногоон байгууламж болох Бэйшань цэцэрлэгт хүрээлэнд болсон уг халдлагын бичлэгийг CNN агентлаг гартаа оруулжээ. Хэрэг болсон даваа гарагт Хятад даяар бүх нийтийн амралт болж байв.

Л.Сайнаа