Лхагва гарагт Эквадор улс орон даяар цахилгаан тасарч, 17 сая хүн цахилгаангүй болжээ. Эмнэлэг, орон сууц, метроны томоохон системд нөлөөлсөн цахилгаан тасалдал нь тус улсын цахилгааны системийн засвар үйлчилгээ, дамжуулах асуудлаас болсон гэж эрх баригчид мэдэгдэв.

Эквадорын Нийтийн дэд бүтцийн сайд Роберто Луке лхагва гарагт болсон хэвлэлийн бага хурал дээр "Өнөөдрийн бидний тасалдал нь засвар үйлчилгээ, цахилгаан дамжуулах дэд бүтцийг хамгаалахад хөрөнгө оруулалт дутсантай холбоотой" гэж мэдэгдэв. Лхагва гаргийн шөнө нийт нутгийн 95 хувьд эрчим хүч сэргэсэн гэж тус улсын Засгийн газраас мэдээллээ.

Эквадор олон жилийн турш эрчим хүчний хямралтай тэмцэж байна. Хамгийн сүүлд Эквадорын Ерөнхийлөгч Даниэль Нобоа дөрөвдүгээр сард эрчим хүчний онц байдал зарлаж, эрчим хүчний үйлдвэрлэлд нөлөөлсөн ган гачигт орон даяар цахилгаан эрчим хүчийг найман цагийн турш хязгаарлах тушаал гаргасан байна.

Л.Сайнаа