Хөлбөмбөгийн ЕАШТ эхлээд 11 өдөр өнгөрчээ. Нийт зургаан хэсэгт багууд дөрөв дөрвөөрөө хуваагдан тоглож буй. Тэмцээний А хэсэгт Герман, Шотланд, Унгар, Швейцарь, В хэсэгт Испани, Хорват, Итали, Албаниийн шигшээ багуууд багтсан. Харин С хэсэгт Словени, Дани, Серби, Англи, D хэсэгт Нидерланд, Франц, Польш, Австрийн шигшээ багууд багтжээ. Сүүлийн E хэсэгт Украин, Словак, Бельги, Румын, F хэсэгт Португал, Чех, Гүрж, Туркийн шигшээ багууд багтаад байна. Тэмцээний  А болон В хэсгийн шийдвэрлэх гуравдугаар тойргийн тоглолтууд болж өнгөрлөө.

В хэсэгт Испани, Хорват, Итали, Албаниийн шигшээ багуууд багтсанаас тэмцээний гурван удаагийн аварга Испанийн шигшээ баг 9 бүхэл оноотойгоор тэргүүлэв. Тэдний араас Италийн шигшээ баг нэг хожил, нэг хожигдол, нэг тэнцээтэй удаалсан юм. 

Тэдний хувьд өнгөрсөн шөнө Хорватын хүчирхэг багийн эсрэг тоглолтын нэмэлт найм дахь минутад гоол оруулж 1:1 харьцаатай тэнцсэнээр хэсгээсээ шалгарлаа. Хорватын шигшээ багийн хувьд гэртээ харихаас өөр зам үлдсэнгүй бололтой. 

Л.Сайнаа