МУГТ Д.Отгонжаргал өнөөдөр Парисын олимпын эхний барилдаанаа Италийн бөх Эмануэла Лиуззитэй хийнэ.  Тэр 2000 оны дөрөвдүгээр сарын 27-нд төрсөн Италийн чөлөөт бөхийн 50 кг-д өрсөлддөг тамирчин юм. 2023 онд Хорватын Загреб хотод болсон чөлөөт бөхийн Европын аварга шалгаруулах тэмцээнээс хүрэл медаль хүртсэн нь одоогоор түүний хамгийн том амжилт.

Тэр 150 см өндөртэй. Манай бөх МУГТ Д.Отгонжаргал түүнээс 5 см-ээр намхан. Ерөнхийдөө түүнийг амархан өрсөлдөгч гэж харж буй. Гэвч Итали улсад жүдо, чөлөөт бөхийн хөгжил өндөр байгаа учир басаж болохгүй. 

2023 онд Хорватын Загреб хотноо болсон чөлөөт бөхийн 2023 оны Европын аварга шалгаруулах тэмцээний эмэгтэйчүүдийн 50 кг-ын жинд Лиуззи хүрэл медаль хүртсэн. Тэрбээр 2024 онд Румын улсын Бухарест хотноо болсон чөлөөт бөхийн Европын аварга шалгаруулах тэмцээний эмэгтэйчүүдийн 50 кг-ын жинд мөн арсалджээ.  Гэвч шигшээ 16-д уг тэмцээнээс хүрэл медаль хүртсэн Болгарын Миглена Селишкатай ялагдсан байдаг. 

Лиуззи 2024 онд Францын нийслэл Парис хотноо болох зуны олимпод оролцох эрхээ авна гэж найдаж Азербайжаны нийслэл Баку хотноо болсон 2024 оны Европын чөлөөт бөхийн олимпийн эрх олгох тэмцээнд оролцсон. Тэрбээр эхний тоглолтондоо хасагдаж, олимпийн эрх авч чадаагүй. Лиуззи мөн энэ онд Туркийн Истанбул хотод болсон чөлөөт бөхийн дэлхийн олимпын эрх олгох тэмцээнд олимпын эрхийн төлөө өрсөлджээ. 

Тэр дэлхийн чансааны 36 дугаар байрт буй. 

Л.Баяр