Улаанбаатар хотын Ерөнхий архитектораар Ч.Төгсдэлгэрийг томиллоо. Чинбатын Төгсдэлгэр нь "Шинэ Монгол" бүрэн дунд сургуулийг болон Ёокохамагийн Үндэсний их сургуулийг төгсжээ. Мөн тэрбээр хотын төлөвлөгч болон хотын нийтийн тээврийн чиглэлээр судлаач аж. Тухайлбал, 2023 оны зургаадугаар сард Ёокохамагийн Үндэсний их сургуульд Хотын нийтийн тээврийн чиглэлээр докторын зэрэг хамгаалжээ. 

Тэрбээр өмнө нь Нийслэлийн тамгын газарт ажиллаж байсан нэгэн юм. Мөн Японы томоохон компаниудад хот төлөвлөлтийн чиглэлээр ажиллаж байсан туршлагатай. 

Улаанбаатар хотын Ерөнхий архитектораар томилогдох хүртлээ Токио дахь Дэлхийн банкинд хот төлөвлөлтийн зөвлөхөөр ажиллаж байжээ. 

Ийнхүү Улаанбаатар хотын Ерөнхий архитектораар томилогдсон тэрбээр "Төрөлх хотоо өөрчилж, алдааг нь засахад сурсан мэдсэнээ зориулъя гээд ирсэн. Улаанбаатар хот иргэндээ ээлтэй, аюулгүй байх ёстой" гэсэн юм.