Гандантэгчэнлин хийд Дүйнхорын ван буюу Цогт цагийн хүрдний их авшгийг монголчуудын язгуур үндэсний багш Жадо Ринбүчи дээдэс айлдах болсонтой холбогдуулан мэдээлэл өглөө.  

Гандантэгчэнлин хийдийн дэд хамба лам, гавж С.Гантөмөр "Өнөөдрөөс буюу наймдугаар сарын 9-нөөс наймдугаар сарын 22-ныг дуустал Гандантэгчэнлин хийдэд Дүйнхорын Дүйнхорын ван буюу Цогт цагийн хүрдний их авшгийн номын үйл ажиллагаа эхэллээ.

Энэхүү ном маань бурхны шашин дотроо маш чухал байдаг. Төвд, Монголын бурхны шашинд тарнын номлол дотроос хамгийн дээд нь Дүйнхорын ном байдаг. Энэхүү номыг олон түмэнд заах, дэлгэрүүлэхэд хамгийн эхэнд Дүйнхорын авшгийг хүртээдэг. 

Дээрхийн гэгээн Далай лам нь 1936 оноос эхлэн 34 удаа энэхүү авшгийг хайрласан. 1995 онд Монгол Улсад 22 дахь удаагийн авшгийг хайрлах үйл ажиллагаа болж байсан.  

Авиг хүртээх энэхүү өдрүүдэд маш олон хүрэлцэн ирэх учраас Гандантэгчэнлин хийдийн авто зогсоол ажиллахгүй. Тиймээс та бүхэн явган морилон авшигт суухыг зөвлөж байна.  

Сүсэгтэн олон маань  авшгийг хурал, номын үйл хэрэгтээ адилтгаж ойлгоод байх шиг байна. Хурлын зан үйлд сүсэгтэн олон хурал номоо сонсоод даган баясдаг. Харин авшгийн үед сүсэгтэн олон ямар бодолтой байх вэ гэдгийг тухайн номд тайлбарлана.  

Хөтөлбөрт:

• 8-р сарын 9- нөөс хурал номын тусгай зан үйлүүд эхэлсэн.
• Олон нийтэд зориулж буй үйл хэргүүд 8-р сарын 12-ноос эхэлнэ.
• 8-р  сарын 16-нд Дүйнхорын авшигт нээлт буюу тахилын бүжиг буюу тусгай зан үйл явагдана.  
• 8-18,19,20-нд хот мандалдаа мөргөнө.  

Гадаадаас олон сүсэгтэн  ирнэ. Таван улсын орчуулгатай ном хурна. Бороо, нарнаас хамгаалж асрууд байрлуулсан. Сүсэгтэн олон маань суух олбогоо авчрахыг зөвлөж байна" гэв.