Парист өнөөдөр МУГТ М.Лхагвагэрэл ДАШТ-ий хүрэл медальт, Пан Америкийн наадмын аварга, Пан Америкийн аварга АНУ-ын бөх Мейсон Марк Парристэй эхний барилдаанаа хийнэ.  Тэр яг ямархуу бөхтэй таарсан тухай задалъя. 

Мэйсон Паррис 1999 оны 10 дугаар сарын 1-нд АНУ-ын Индиана мужийн Лоуренсбург хотод төржээ. Чөлөөт бөхийн 125 кг-ын жинд өрсөлддөг Америкийн бөх. Биеийн өндөр 188 см. Манай бөхтэй яг чацуу өндөртэй. 

Чөлөөт төрөлд тэрбээр 2019 оны чөлөөт бөхийн өсвөр үеийн дэлхийн аварга шалгаруулах тэмцээнээс алтан медаль хүртсэн. Дотооддоо тэрбээр 2023 оны NCAA I дивизионы үндэсний аварга, Мичиганы Волверайнс багт 285 фунтын жинд аварга, Дан Хож цомын эзэн болж байжээ.

Тэрбээр 2023 оны Бельградын ДАШТ-ий хүрэл медальтай. Мөн энэ оны Пан Америкийн аварга, өнгөрсөн оны Пан америкийн наадмын аварга болжээ. Гранпри тэмцээнээс хоёр алтан медальтай. 

2016, 2017, 2018 онуудад 220 фунтын жинд гурван удаа Индиана муж улсын аварга цол хүртэж байсан. Түүний муждаа 11 удаа амжилт үзүүлж, Индиана мужийн дээд амжилтыг тогтоосон. Тэрбээрахлах сургуулийн замналаа 206 ялж, нэг ялагдсан амжилтаар дуусгажээ. 

Л.Баяр