"Парис-2024" зуны XVII паралимпын наадам эхлэхэд ердөө ес хоног үлдлээ. Тус наадамд Монгол улсаас спортын зургаан төрөлд оролцох 12 тамирчинг цувралаар танилцуулж байна. Эхний удаад ОУХМ Цэгмидийн Баттулгыг онцолж байна. 

Тэрбээр 1991 онд Булган аймагт төржээ. 2014 оноос олон улсын тэмцээн уралдаанд амжилттай оролцож ирсэн.

Олон Улсын хэмжээний мастер цолтой. 

Ц.Баттулга "Парис-2024" олимпын эрхээ өнгөрсөн онд авсан юм. Тухайлбал, 2023 онд болсон Ханжоу-н Азийн пара наадмаас бөөрөнцөг түлхэлтийн төрлөөр хүрэл медаль хүртсэн билээ. 

Түүний амжилтаас дурдвал, 

Дэлхийн аварга шалгаруулах тэмцээний 

• Кобе 2024 - VIII байр
• Дохо 2015 - VII байр тус тус хүртжээ. 

Мөн 2014 онд Инчоны Азийн наадмаас V байрын шагнал, 2023 онд болсон Ханжоугийн Азийн наадмаас хүрэл медаль хүртсэн юм.