“20 минутын хот” Үндэсний хорооны анхдугаар хуралдаанаар иргэдээс дугаарын хязгаарлалт хийх эсэх талаар санал асуулга авч, олонх зөвшөөрсөн тохиолдолд дугаарын хязгаарлалтыг зохион байгуулах зөвлөмжийг нийслэлийн Засаг дарга бөгөөд Улаанбаатар хотын Захирагч Х.Нямбаатарт өгсөн юм.

Энэ хүрээнд нийслэлийн Засаг даргын Тамгын газрын албан ёсны www.ulaanbaatar.mn сайтаар санал асуулга авч байна. Уг санал асуулгыг энэ сарын 2-ны өдрөөс явуулж эхэлсэн бөгөөд өнөөдрийн байдлаар 6353 иргэн оролцоод байна. Тодруулбал үүнээс 3337 иргэн "дэмжинэ" гэж санал өгсөн нь дийлэнх буюу 53 хувь байна.