"Оюу толгойн гэрээ монголчуудад ашигтай болж чадсан уу?" гэсэн сэдвээр УИХ-ын гишүүн С.Ганбаатар, С.Баярцогт нар халз мэтгэлцсэн. Харин өнөөдөр УИХ-ын гишүүн С.Ганбаатар халз мэтгэлцээн ямар үр дүнтэй болсон талаар мэдээлэл хийсэн бол УИХ-ын гишүүн С.Баярцогт “Би гэрээг хийсэн хүн гэдэг утгаараа тайлбарласан. Гэвч хүмүүст хүргэж чадахгүй байх шиг байна. Тиймээс энэ дөрвөн гэрээг хэвлээд хүсч байгаа хүн болгонд үнэгүй тарааж, энэ гэрээний эдийн засаг агуулгынх нь талаар тусгайлсан танилцуулга хийнэ. Цаашлаад хүүхдүүдэд зориулсан бага насныханд ойлгоход ойлгомжтойгоор  хялбаржуулж, дүрстэй кино хийдэг юм уу гэж бодож байна. Ер нь танилцуулах нь зүйтэй юм байна. Мөн Оюутолгойн гэрээг яаж хийсэн, хийхэд ямар хүндрэл байсан гээд энэ гэрээний талаар ном бичнэ гэж бодож байна. Үүнийгээ олон нийтэд хүргэнэ” хэмээн өөрийн байр сууриа илэрхийлсэн юм.