Монгол Улсад энэ оны эхний 9 сарын байдлаар 93 мянган суудлын автомашин импортоор оруулж иржээ. Өмнө нь буюу 2022 онд 51 мянга, 2023 онд 53 мянган автомашин импортолсон байна. Эдгээр жилийн мөн үетэй харьцуулахад энэ онд импортын автомашины тоо 1.8 дахин өсжээ.

Монгол Улс импортоор нефтийн бүтээгдэхүүн хамгийн их авсан бол хоёрдугаарт суудлын автомашины импортыг нэрлэсэн байна.

Ташрамд мэдээлэхэд, манай улс дэлхийн 152 орноос гарал үүсэлтэй бараа импортолсноос БНХАУ-д 39.8 хувь;  ОХУ-д 24.6 хувь;  Япон-д 10.3 хувь; АНУ-д 4.5 хувь; БНСУ-д 4.1   хувь тус тус ногдож байгаа бөгөөд нийт импортын дүнгийн 83.4 хувийг эзэлжээ.