Дэлхийн А зэрэглэлийн кино наадмын шагналт , тухайн жилийн арт хаус, индепендент урсгалыг тодорхойлогч шилдэг кино урсгалыг Монголын үзэгчдэд танилцуулж, кино боловсролыг дэмжих , Монгол уран бүтээлчдэд Олон улсын уран бүтээлчидтэй хамтран ажиллах боломжийг бий болгох зорилгоор “Улаанбаатар” кино наадмыг 2013 оноос эхлэн олон улсын тодотголтойгоор зохион байгуулж иржээ. Энэ жилийн кино наадам аравдугаар сарын 16-22-ны өдрүүдэд үргэлжилнэ. Ийнхүү тус кино наадмын шагнал гардуулах ёслолын үеэрх фотог хүргэж байна.
16 дах удаагийн наадмын Шилдэг эрэгтэй гол дүрийн шагналыг “Өмнөдийг зорих замд” УСК-ны жүжигчин Jung Jong Woo хүртсэн бол шилдэг кино төрлийг мөн “Өмнөдийг зорих замд” киноны баг хамт олон хүртжээ.
- Шилдэг эрэгтэй гол дүрд: “Үхлийн тойрог” УСК-ны жүжигчин С.Ариунбямба
- Шилдэг эмэгтэй гол дүрд: “Хувь заяа” УСК-ны жүжигчин У.Уранчимэг
- Шилдэг найруулагчаар: “Өмнөдийг зорих замд” УСК-ны С.Баттулга
- Шилдэг нүүр хувиргагч: “Үхлийн тойрог” УСК-ны нүүр хувиргагч Г.Хос-Эрдэнэ
- Шилдэг зураач төрөлд: “Пагмадулам” УСК-ны зураач Ц.Хүрэлбаатар
- Шилдэг эмэгтэй туслах дүр төрөлд : “Зорчигч” УСК-ны жүжигчин О.Цэнгэл
- Шилдэг зураглаач төрөлд: “Пагмадулам” УСК-ны зураглаач Б.Отгонзориг
- Шилдэг хөгжмийн зохиолч төрөлд: “Өмнөдийг зорих замд” УСК-ны Oh Han Jung БНСУ
- Шилдэг дууны найруулагчаар : “Үхлийн тойрог” УСК-ны Vanilla Sky Studio, Thailand
- Шилдэг эвлүүлэгч төрөлд :”Үхлийн тойрог” УСК-ны эвлүүлэгч Н.Батболд нар тус тус хүртлээ.
