Хоёр шатны шүүхээс дөрвөн жилийн хорих ял сонссон МАХН-ын дарга Н.Энхбаярын гомдлыг энэ сарын 30-нд хэлэлцэхээр болжээ. Ирэх баасан гаригт Улсын дээд шүүхийн Эрүүгийн танхимд 09.00 цагаас шүүх юм байна. Хуралд даргалагч шүүгчээр Х.Батсүрэн оролцоно.Түүнийг Сүхбаатар дүүргийн шүүхээс Эрүүгийн хуулийн 150.3, 263.2-т зааснаар буруутган, дөрвөн жилийн хорих ял оноосон юм. Хэдийгээр тэрээр анхан шатны шүүхийн шийдвэрийг эсэргүүцэн давж заалдах шатны шүүхэд хандсан ч хэвээр баталсан учир ийнхүү Улсын дээд шүүхэд хандаад байсан юм.
Н.Энхбаярыг ялыг дээд шүүхээс хэвээр үлдээвэл түүнд нийт шүүгчдийн хуралдаанаар орох, Ерөнхийлөгчөөс уучлал хүсэх гэсэн хоёр зам л үлдэх юм. Харин тэрээр өөрөө “Миний хэргийг цагаатгаж, хэрэгсэхгүй болгосон цагт л би суллагдана. Биеийн байдлаас болж яасан ч суллагдахгүй” гэдгээ албан ёсоор мэдэгдсэн юм. Н.Энхбаяр өдгөө Сайд нарын гэгдэх хоёрдугаар эмнэлэгт хэвтэн эмчлүүлж буй.
Б.Чимэг
Сэтгэгдэл (7)