УИХ-ын чуулганы хуралдаан үргэлжилж байна. Хуралдаанаар Цөмийн энергийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна. Энэ үеэр УИХ-ын гишүүн Л.Мөнхбаясгалан үг хэлж, асуулт асуулаа. 

Тэрбээр "Бид яагаад атомын цахилгаан станц барихыг хойш тавиад, зөвхөн шар нунтаг гаргахыг дэмжээд байгаа юм бэ. Ажлын хэсгээс асуухаад 15-20 жил хүлээх хэрэгтэй болно гээд төвөгшөөж байна. Бид ямар 15-20 жил болоод бөхөх гэж байгаа улс биш дээ. Монгол Улсын үндэсний амбиц бол атомын цахилгаан станц барьж, хямд эрчим хүчийг бид өөрсдөө бүтээх ёстой. Яагаад үүнийг хойшлуулаад байна вэ" гэв.