НҮБ-ын Уур амьсгалын өөрчлөлтийн асуудлаарх бага хурал уржигдар Катар улсын Доха хотод эхэлсэн. Тус бага хурлын үйл ажиллагаанд дэлхийн 190 гаруй орны 17 мянга орчим төлөөлөгч, хэвлэл мэдээллийн ажилтан, иргэний нийгмийн төлөөлөл оролцож байгаа юм.

Бага хурлын төгсгөлд өндөр түвшний хуралдаан болох бөгөөд үүнд 100 гаруй орны Төр засгийн тэргүүн, сайд нар оролцох юм. Харин манай улсаас үүнд Байгаль орчин, ногоон хөгжлийн сайд С.Оюун уригдаад байгаа бөгөөд байгаль экологид тулгамдаж байгаа асуудал болон энэ салбарын олон хамтын ажиллагааны талаар үг хэлэх юм.

Мөн хуралдаанд мөн УИХ-ын гишүүн, Байгаль орчин, хүнс, хөдөө аж ахуйн Байнгын хорооны дарга Г.Баярсайхан оролцож уур амьсгалын өөрчлөлтийн нөлөөллийг бууруулах, дасан зохицох, хүлэмжийн хийн ялгаралтыг бууруулах талаар Монгол улсаас авч хэрэгжүүлж буй үйл ажиллагааны талаар илтгэл тавина.