Голомт банк болон LIME виртуал оператор хамтран хүүхэд, залуучуудын дунд волейболын спортыг хөгжүүлж, сурталчлахад дэмжлэг үзүүлэхээр Natur Bucks волейболын клубийг ивээн тэтгэн ажиллаж байгаа билээ.

Голомт банк энэхүү хамтын ажиллагаагаар дамжуулан хүүхэд, залуучуудын эрүүл зөв дадал, сонирхолд хөрөнгө оруулах, өсөх ирээдүйтэй тамирчдыг дэмжих, цаашлаад Монгол Улсад багийн спортыг хөгжүүлэхэд хувь нэмрээ оруулахыг зорьж байна.

Монголын волейболын цөмийг тодорхойлогч Монголын Волейболын Үндэсний Дээд Лиг нь олон жил завсарласны эцэст 2019 оноос эхлэн дахин зохион байгуулагдаж буй. Үүнээс хойш Монголд волейболын спорт эрчимтэй хөгжиж, сонирхогчдын тоо сүүлийн жилүүдэд тасралтгүй нэмэгдсээр байгаа юм.

Харин Natur Bucks клубийн хувьд олон улсад өрсөлдөхүйц ур чадвартай тамирчдаар багаа бүрдүүлж, 2020 оноос эхлэн Монголын Волейболын Үндэсний Дээд Лигт тэргүүлэх болсон бөгөөд өдгөө Монголын волейболын спортыг өнгөлж буй тус багийн ирээдүйн амжилт бүрийг Голомт банк болон LIME виртуал оператор дэмжин ажиллах болно.