Орон нутгийн шинээр сонгогдсон ИТХ-ын төлөөлөгчид хуралдаж засаг даргаа сонгох явц үргэлжилж байна. Өчигдөр орой Хөвсгөл аймгийн ИТХ-ын анхдугаар хуралдаан болж Л.Ганболдыг засаг даргаар сонгосон. Тэгвэл өчигдөр Дорноговь аймгийн ИТХ мөн хуралдаж ирэх дөрвөн жил тус аймгийг удирдах засаг даргаа сонгосон байна. Тус аймагт 2012 оны орон нутгийн сонгуулиар 27 суудлаас АН-ын 16, МАН-ын 12, МАХН-ын 1 нэр дэвшигч ялалт байгуулсан юм.

   Эх сурвалжийн мэдээлснээр Дорноговь аймгийн АН-ын дарга П.Ганхуяг, ИТХ-ын даргаар ажиллаж байсан Г.Ганбаатар нарын нэрийг дэвшүүлж санал хураасан байна. Харин санал хураалтын дүнгээр П.Ганхуяг олонхийн санал авчээ. Тиймээс ирэх дөрвөн жилд Дорноговь аймгийн АН-ын дарга П.Ганхуяг Шинэчлэлийн Засгийн газрын хөтөлбөрийг аймагтаа хэрэгжүүлэхээр боллоо. Шинэ засаг даргын нэрийг Ерөнхий сайд Н.Алтанхуягт удахгүй өргөн мэдүүлэх юм.