АНУ-ын Ерөнхийлөгчөөр хоёр дахь удаагаа сонгогдоод буй Доналд Трамп ирэх сард тангаргаа өргөно. Цагаан ордонд залрах хоёр дахь бүрэн эрхийнхээ хугацаанд тэр Орос-Украины дайныг зогсоохоос эхлээд олон зүйлийг төлөвлөсөн. Тэдгээрийн нэг "АНУ-д төрсөн хүүхэд бүр тус улсын иргэн болдог" хуулийг хүчингүй болгох гэж байна. 

Энэ талаар тэр мэдэгдэл хийхдээ, "Өөр иргэншилтэй хосууд манай улсад хүүхэд төрүүлэх үед автоматаар АНУ-ын иргэн болдог хуулийг хүчингүй болгоно" гэж маш тодорхой хэлжээ. АНУ-ын Үндсэн хуулийн 14 дүгээр зүйлд заасан уг нэмэлт хуулийг өөрчлөхөд ихээхэн саад бэрхшээлтэй тулгарна гэж ажиглагчид харж буй.  Дор хаяж Трампын цуцлах оролдлогыг Дээд шүүх хүчингүй болгох магадлалтай. 

Мөн тэр 2021 онд өмнөх сонгуулийн дараагаар түүнийг дэмжиж "Капиталын үймээн"-д оролцож, ял шийтгэгдсэн хүмүүст албан ёсоор өршөөл үзүүлэх гэж байгаа аж.  

Л.Баяр