УИХ-ын гишүүн Б.Энхбаяр УИХ-ын Ерөнхий нарийн бичгийн дарга Б.Баасандоржийг шалгуулахаар АТГ-т хандсан тухайгаа өөрийн цахим хуудсаар мэдэгдлээ.

Тэрбээр, “УИХ-ын Ерөнхий нарийн бичгийн дарга нь УИХ-ын 2024 оны 11 дүгээр сарын 11-ний өдөр Төсвийн тухай хуулийг баталсан чуулганы хуралдааны ирц, тухайн өдрийн санал хураалтанд дэмжсэн болон татгалзсан санал өгсөн гишүүдийн нэрсийг өгөхгүй 1 сар эс үйлдлээр татгалзаж, улмаар шаардлага тавиад 7 хоног хэрэгжүүлэхгүй байгаа тул Эрүүгийн хуульд заасан “албаны бүрэн эрхээ хэтрүүлэх” албан тушаалын гэмт хэргийн шинжтэй үйлдэл гэж үзэж Авлигатай тэмцэх байгууллагад харьяаллын дагуу шилжүүлж шалгуулахаар шийдвэрлэв. 2024.12.13 09 цаг 40 минут” гэжээ.