Ихэнх гишүүн нь исламын шашинтнуудаас бүрдсэн Ассемблей Египетийн шинэ үндсэн хуулийг бичиж байгаа билээ. Ассемблей шинэ Үндсэн хуулийн төслөөс эхний зүйлийг нь баталсан талаар "BBC" мэдээллээ.

    Ихэнх гишүүн нь исламын шашинтнуудаас бүрдсэн Ассемблей Египетийн шинэ үндсэн хуулийг бичиж байгаа билээ. Ассемблей шинэ Үндсэн хуулийн төслөөс эхний зүйлийг нь баталсан талаар "BBC" мэдээллээ.

Эхний зүйлд исламын шашинтнуудын Коран судар дээр бичигдсэн хууль болон Үндсэн хуулийн хэм хэмжээний талаар бичсэн аж.

Үндсэн хуулийн танхим Ассемблейд ням гараг хүртэл хугацаа өгч, энэ хугацаанд батлахгүй бол Ассемблейг буулгана гэж мэдэгдсэний дараа нэгдүгээр зүйлийг батлах санал хураалтыг шууд явуулсан байна.

Египетийн шүүх засаглалынхан өөртөө бүрэн эрх олгох зарлиг гаргасан ерөнхийлөгч Мухаммед Морситай эсрэг байр суурьтай байгаа юм.

Ерөнхийлөгч Мухаммед Морси өнгөрсөн долоо хоногт өөрийнх нь гаргасан шийдвэрийг хуулиар шүүхгүйгээр хүлээн зөвшөөрөх ёстой тухай захирамж гаргасан юм. Гэсэн хэдий ч Морси өөрөө энэ захирамж удаан хугацаанд, хэмжээлшгүй байдлаар хэрэгжихгүй хэмээн няцааж байгаа юм. Тэрбээр өчигдөр телевизийн нэвтрүүлэгт оролцохдоо “Манай улсын өнөөгийн шилжилтийн үед эмх замбараагүй байдал үүсгэхээс сэргийлж энэхүү зарлигийг гаргасан юм. Зарлиг зөвхөн шинэ үндсэн хууль батлагдах хүртэл л хэрэгжинэ” гэжээ.

Үндсэн хуулийг Ассемблей боловсруулж баталсны дараа ерөнхийлөгч гарын үсэг зурж баталгаажуулах бөгөөд олон нийтийн санал асуулгад оролцуулах юм байна.

Египетийн зүүний буюу Либерал хүчнийхэн Ассемблейг ихэнх гишүүдийнхээ буюу исламын шашинтнуудын илүү эрх ашгийг хуульд тусгах вий хэмээн эсэргүүцэх хандлага ч байгаа юм байна.

Хэдийгээр Морси шинэ үндсэн хууль боловсруулах хугацааг ирэх хоёрдугаар сар хүртэл хойшлуулсан ч Ассемблейн гишүүд өчигдөр үндсэн хуулийн төслийг бараг л дуусч байгаа хэмээн мэдээлсэн юм. Ассемблей дотроо үндсэн хуулийн 243 зүйл тус бүр дээр санал хураах юм. Үүнийг нь ерөнхийлөгч Мухаммед Морси хүлээн ззөвшөөрсний дараа олон нийтийн санал асуулгад хэлэлцүүлэх аж.

Өнгөрсөн лхагва гарагт ноён Морси “Time” сэтгүүлд өгсөн ярилцлагадаа “Үндсэн хууль олон нийтийн санал асуулгаар батлагдсаны дараа би зарлигаа буцаана” хэмээн ярьжээ.