Сүүлийн өдрүүдэд олон нийтийн сүлжээнд “M-Си-Эс Групп маргааш болох жагсаалыг санхүүжүүлж, Засгийг огцруулахаар оролдож байна” гэх ор үндэслэлгүй гүтгэлгийг зохион байгуулалттайгаар түгээж, тус Группийн нэр хүндэд улс төрийн зорилготой, үндэслэлгүй халдаж буйг эсэргүүцэж байна.

М-Си-Эс Групп нь тус мэдээлэлд дурдсан шиг жагсаал, цуглааныг санхүүжүүлсэн, бусдыг болон Группийн ажиллагсдаа зохион байгуулалттайгаар жагсаалд оролцуулах гэж байгаа гэдэг нь огт үндэслэлгүй худал мэдээлэл төдийгүй, урьд өмнө нь ч жагсаал, цуглаанд уриалж байсан тохиолдол огт байхгүй гэдгийг хариуцлагатайгаар мэдэгдье.

Бизнесийн байгууллагыг улс төрийн асуудалд санаатайгаар хутган оролцуулахаар “жагсаал санхүүжүүлдэг” гэх зэргээр удаа дараа худал мэдээллийг түгээхээр оролдож буйд харамсаж, энэхүү илт гүтгэлгийн шинжтэй мэдээллийг тараан нийтэлж байгаа хэвлэл мэдээллийн хэрэгслүүдийг залруулга хийхийг шаардаж байна.

М-Си-Эс Групп

2025.01.10