ЦХИХХ-ны сайд Ц.Баатархүү өнөөдөр мэдээлэл хийлээ.
Тэрбээр, "2025 он гэхэд хөдөлгөөнт холбооны дэвшилтэд 5G сүлжээг орон даяар нэвтрүүлэх ажлыг хангасан. Гуравдугаар сард сонгон шалгаруулалтын ажлыг эхлүүлнэ. Одоогийн байдлаар 127 улс 5G-г нэвтрүүлсэн. Монгол Улс нэлээн хоцрогдсон байгаа. Энэхүү сүлжээ нэвтэрснээр аж үйлдвэрийн дэвшил гарна.
Хөдөө суманд байгаа иргэд Улаанбаатар хотод байгаа юм шиг эрүүл мэнд, боловсролын үйлчилгээг шууд цаг алдалгүй авах боломж бий болно. Сумдын интернэтийн хүчин чадал 10 дахин нэмэгдсэнээр юүтүб, дэлхийд байгаа боловсролын бүхий л платформоор дамжуулж, хичээлүүдээ үзэх, шалгалтаа өгөх, гадаад хэл үзэх боломж нэмэгдэнэ. Мөн Худал мэдээлэлтэй тэмцэх төвийг байгуулна" хэмээн мэдэгдлээ.
