Энэтхэгийн хяналтад байдаг Пакистаны хилийн ойролцоох Кашмир мужид зэвсэгт этгээдүүд 24 жуулчны амийг хөнөөн аймшигт халдлага үйлджээ. Энэхүү үйл явдлын дарааолон нийтийн цочрол, уур хилэн улам бүр нэмэгдсээр байгаа бөгөөд шархадсан хүмүүсийн заримынх нь биеийн байдал хүнд байгаа гэсэн мэдээлэл байна.
Халдлага мягмар гарагт Гималайн гайхалтай хөндийгөөрөө алдартай Пахалгам хотод болжээ. Одоогоор аллагын хариуцлагыг ямар нэгэн бүлэглэл хүлээгээгүй байна. Энэтхэгийн Ерөнхий сайд Нарендра Моди уг үйл явдалтай холбогдуулан Дели рүү буцах гаардлагатай болсон бөгөөд Саудын Арабт хийх айлчлалаа түр зогсоолоо.
Энэтхэг, Пакистан хоёрын аль аль нь өөрийн гэж үздэг Кашмирт арван жилийн турш бослого гарч, олон мянган хүний амь үрэгдсэн ч жуулчдад халдах явдал ховор байдаг. Бүс нутгийн захирагч Омар Абдулла хэлэхдээ, энэ халдлага нь "сүүлийн жилүүдэд энгийн иргэд рүү чиглэж байгааг бид харлаа. Ийм зүйл байж болохгүй" гэжээ.
Гималайн нурууны лалын шашинтнууд дийлэнх хувийг эзэлдэг Кашмирын нутаг дэвсгэрийн маргаан Энэтхэг, Пакистан хоёрын хоорондын хурцадмал байдлын гол цөм болж байна. 1947 онд Энэтхэг, Пакистан улсууд Их Британиас тусгаар тогтнолоо олж авснаас хойш хөршүүд бүс нутгийн төлөө хоёр удаа дайн хийсэн бөгөөд хэсэгчлэн хяналтдаа байлгадаг.
Кашмир нь хүчирхийллийн голомт болоод удаж буй. Энэтхэгийн хяналтад байдаг Кашмир нь үндсэн хуулийн 370-р зүйлд ихээхэн тусгаар тогтнолоо зарлаж, тус улсад удаан хугацаанд онцгой ач холбогдолтой бүс байсаар ирсэн.
Гэвч 2019 онд Энэтхэгийн эрх баригч нам тус бүс нутгийн давуу эрхийг цуцалж, тус мужийг Жамму ба Кашмир, Ладак гэсэн холбооны захиргаатай хоёр нутаг дэвсгэрт хуваасан. Энэ алхам нь цөмийн зэвсэгтэй хоёр улсын харилцаа муудаж, Пакистан Делитэй тогтоосон харилцаагаа бууруулахад хүргэсэн гэдэг.
Л.Баяр
Сэтгэгдэл (1)