Олон жилийн турш цахим спортын фенүүд Counter-Strike-ийн оны эхний том тэмцээнүүд Польшийн Катовиц хотод эхэлдэгт дассан билээ. ESL Major Series One Katowice 2014-өөс эхлээд Intel Extreme Masters Katowice 2025 хүртэл тус хотод нийт 11 томоохон тэмцээн (гурван мэйжор) зохион байгуулагдсан. Харин 2026 оноос эхлэн энэхүү домогт CS тайз Катовиц хотоос Краков хот руу шилжиж байна.
Энэхүү шийдвэрийн цаад шалтгаан нэлээд тодорхой. Аялал жуулчлалын хувьд Краков нь Катовицаас хавьгүй сонирхолтой хот тул үзэгчдийн тоо мэдэгдэхүйц өсөх хүлээлттэй байна. Мөн 1971 онд баригдсан Сподек Арена нь 2014 онд ашиглалтад орсон орчин үеийн Краков дахь ТАУРОН Аренатай өрсөлдөх боломжгүй болжээ. Шинэ аренатай байгуулсан гэрээ хэдэн жилээр хийгдсэн бөгөөд ESL IEM Krakow ойрын жилүүдэд үзэгчийн тоо, цар хүрээгээрээ шинэ рекорд тогтооно гэж найдаж байна.
Тэмцээний байршил өөрчлөгдсөн ч тэмцээний чанар, ач холбогдол огтхон ч буураагүй. IEM Krakow 2026 нь $1,250,000-ын шагналын сантай, дэлхийн шилдэг 24 баг оролцох Tier 1 ангиллын тэмцээн хэвээр байна. Мөн ESL Pro League-ийн хамт ESL Grand Slam цувралд багтаж байгаа бөгөөд дөрвөн удаа түрүүлсэн баг $1,000,000-ын үнэтэй алтан гулдмай хүртдэг. Одоогоор Vitality хоёр удаа, харин FURIA болон Spirit тус бүр нэг удаа түрүүлээд байгаа тул эдгээр гурван баг IEM Krakow 2026-д онцгой анхаарал хандуулж байна.
Тэмцээн Play-In, Group Stage, Playoffs гэсэн гурван үе шаттай явагдана. Play-In шатанд 16 баг өрсөлдөж, үндсэн шатанд орох найман эрхийг олгоно. Дараагийн шатанд шууд урилга авсан шилдэг найман баг болон Play-In-оос шалгарсан багууд плей-оффын төлөө тулалдах юм. Valve-ийн нэгдүгээр сарын дэлхийн чансаанд үндэслэн FURIA, Vitality, Falcons, Spirit, NAVI, MOUZ, FaZe Clan, The MongolZ багууд Group Stage-д шууд уригдсан бол G2, Team Liquid, Astralis, HEROIC, paiN Gaming, NiP, NRG зэрэг багууд тэмцээнийг Play-In-оос эхлүүлнэ.
Аваргын төлөөх гол өрсөлдөөнд хамгийн түрүүнд Vitality нэрлэгдэж байна. 2025 онд нийт 11 цом хүртэж, бүрэлдэхүүнээ өөрчлөлгүй хадгалсан тус багийг ялах нь асар хэцүү. Spirit ч мөн адил хүчтэй өрсөлдөгч бөгөөд донк тэргүүтэй залуус бүрэлдэхүүний өөрчлөлтийн дараа илүү тэнцвэртэй болжээ. Харин Азийн шилдэг баг 1XBet-ийн албан ёсны түнш The MongolZ улирлын эхний тэмцээнийг өнжсөн ч шинэ тоглогч cobrazera-г амжилттай уусгаж чадсан бол IEM Krakow 2026-ын цомыг булаах бүрэн боломжтой.
IEM Krakow 2026 тэмцээн нэгдүгээр сарын 28-нд эхэлнэ. Шинэ хот, шинэ тайз, гэхдээ хуучин шигээ ширүүн өрсөлдөөнийг бүү алдаарай. Харин нэгдүгээр сарын 31-нээс эхлэн The MongolZ багтаа хамтдаа уухай өргөцгөөе.
