Зуны их засварын төлөвлөгөөт ажлын хүрээнд нийслэлийн зарим хэрэглэгчдийн халуун усны хангамжийг долдугаар сарын 20-ноос наймдугаар сарын 8-ны өдрийг хүртэл түр хугацаагаар хязгаарлахаар болжээ. Төлөвлөгөөт зогсолт №6-ын хүрээнд 1бвгд, 2б, 3аб, 5бв, 11ж магистраль шугамуудаар хангагддаг хэрэглэгчдийн халуун ус тасалдах юм.
Халуун ус хязгаарлах бүсэд:
- Хурд, Эрэл, Жигүүр Гранд хотхон орчим
- Баянгол зочид буудал, Улсын драмын эрдмийн театр орчим
- Төв шуудан, Хангарьд ордон, Засгийн газрын ордон
- Чингэлтэй дүүргийн Эрүүл мэндийн төв
- Улсын I төв эмнэлэг, МУБИС, Нийслэлийн Өргөө амаржих газар
- СЭЗДС, Сайд нарын II эмнэлэг
- Нийгмийн эрүүл мэндийн хүрээлэн, Английн ЭСЯ орчим
- Төрийн тусгай хамгаалалтын газар, ОХУ-ын Элчин сайдын яам
- Улсын их дэлгүүр, 40, 50 мянгатын орчим
- Цагдаагийн авто бааз, Замын цагдаагийн газар
- Залуучуудын соёлын төв, Төв усан бассейн
- БНХАУ-ын Элчин сайдын яам, ШУТИС орчим зэрэг багтаж байна.
Засварын ажлын хүрээнд 1бвгд, 2б, 3аб, 5бв, 11ж магистраль шугамуудыг шинэчлэн, ажиллагаанд залгах ажил хийгдэнэ.
Тухайлбал, ДХ-242–ДХ-244 хооронд 2Ф350 мм голчтой 176 хос метр, ДХ-244–ДХ-249 хооронд 2Ф300 мм голчтой 362 хос метр дулааны шугамыг шинэчлэн солино. Мөн хэд хэдэн цэгийн хаалт, тоноглолыг шинэчлэх бөгөөд үүнд ДХ-11134, ДХ-5114, ДХ-569-2, ДХ-240, ДХ-196 цэгүүдийн таслах болон холбоосны хаалтууд багтаж байна. Үүнээс гадна урсгал засварын ажлууд хийгдэх аж.
Дулааны шугам сүлжээний шинэчлэлийн ажил дууссаны дараа дээрх бүсүүдийн халуун усны хангамж хэвийн үргэлжлэх юм.
Сэтгэгдэл (4)