Унгарын нийслэл Будапешт хотноо барилга барьж байсан ажилтнууд Дунай мөрний гүүрэн дороос 5-р зууны бунханг олжээ. Энэхүү бунхан нь маш сайн хадгалагдаж үлдсэн бөгөөд Хүннү гүрний хаан Аттилагийнх мөн гэдгийг илрүүлсэн байна. Бунхан дотроос морины яс, төрөл бүрийн зэвсэг олдсон нь Хүннү гүрний үед хамаарах эд өлгийн зүйл ажээ. Тухайлбал, гялгар төмрөөр хийсэн том сэлэм олдсон нь Аттилагийн домогт өгүүлдэг “Скифчүүдийн тахилтат сэлэмний дайн”-д гардагтай ижил гэж үзжээ. Энэ мэтчилэн дийлдэшгүй баатар Аттилагийнх мөн гэдгийг нотлох баримт байгаа гэнэ. “Тэнгэрийн ташуур” гэдэг нэрээр түүхэнд мөнхөрсөн Аттила хаан МЭ 434-453 онд Хүннү гүрнийг захирахдаа Баруун, Зүүн Ромын эзэнт гүрнийг байлдан дагуулж, Европ тивд нөлөөгөө тогтоожээ. Ингээд Варварын түрэмгийлэл гэж нэрлэгддэг Германы ард түмний хөдөлгөөнийг бий болгож, Ромын эзэнт гүрний уналтыг түргэтгэн Европыг донсолгосон гэдэг.