Биеийн тамир, спортын газраас санаачилж буй “Мөнгөн өвөл” арга хэмжээ “Үндэсний цэцэрлэгт хүрээлэнд энэ сарын 21-нд болно.
Тус арга хэмжээнд БСШУСЯ-ны Биеийн тамир, спортын бодлогын газар, Биеийн тамир, спортын газар болон 21 аймгийн Биеийн тамир, спортын газрын удирдлагууд, Үндэсний цэцэрлэгт хүрээлэн, Монголын цанын холбоо, Нийслэлийн аялал, жуулчлалын газар, Нийслэлийн нийтийн биеийн тамир, спортын хороо, дүүргүүдийн биеийн тамир, спортын хороо, Монголын спортын сэтгүүлчдийн холбооны төлөөлөл оролцох бөгөөд тэд спортын гурван төрлөөр өрсөлдөх аж.
Тухайлбал, гүйлтийн цана, олс таталт, сагсан бөмбөгийн тэмцээнд тус арга хэмжээнд уригдсан газрууд баг, тамирчидаа оролцуулах боломжтой юм. Энэ үеэр спортын алдартнуудаас ирэхээс гадна урлагийн олон арга хэмжээ болох юм байна.