Хамтран амьдрагчаа залилж, автомашиныг нь худалдаж, тэрхүү мөнгийг нь хувьдаа ашигласан хэрэгт Сартуул Овогт Юндэнгийн Солонго гэх энэ эмэгтэйг эрэн сурвалжилж байна.
Цагдаагийн газарт байгаа мэдээллээр бол өнгөрөгч оны 7 дугаар сард энэ хэрэг гарсан гэнэ. Тодруулбал, Орхон аймгийн Баян-Өндөр сумын Их залуу шанд багт оршин суух Доржсүрэнгийн Мөнх-Эрдэнэтэй Ю.Солонго хамтран амьдарч байх хугацаандаа түүний Портер машиныг гурван сая төгрөгөөр заруулан мөнгийг нь хувьдаа ашигласан байна. Мөн Д.Мөнх-Эрдэнийн Дүү Д.Отгонжаргалаас 1 сая 500,000 төгрөг зээлэн авч залилсан төдийгүй, "Мэргэн Ноён" ХХК-ыг өөрийн нэр дээр шилжүүлэн авч Солонгос улс руу явах виз хөөцөлдөнө гээд иргэдийг залилан алга болсон байна. Зартай энэ залилагчийг УМБГ-аас эрэн сурвалжилж байгаа юм байна.