Тарваган тахал өвчний идэвхжилийн улирал эхэлж байна. Иймд иргэд тарваганы түүхий мах, эд эрхтэнтэй хавьтахдаа анхаарал болгоомжтой хандах, мэрэгчийн үхсэн сэг зэмтэй харьцахгүй, тарваганы бөөс, бүүрэгт хазуулахгүй байх, нийслэл хот руу түүхий тарваганы мах, тулмыг тээвэрлэж оруулж ирэхгүй байхыг Нийслэлийн эрүүл мэндийн газар, Зоонозын өвчин судлалын үндэсний төвөөс сэрэмжлүүллээ.
Хэрэв тарвага, зурам өвчих, мах эвдэх үед арьс салстаа гэмтээсэн, бөөс, бүүрэгт хазуулвал мэргэжлийн байгууллагад хандах шаардлагатайг анхааруулж байна.