Өнгөрсөн нэгдүгээр сарын 5-8-нд шилжих шөнө Сэлэнгэ аймгийн Сүхбаатар суманд үл таних долоон залуу 24 настай эмэгтэйг гурав хоногийн турш буудал дамжуулан хүчиндсэн хэрэг гарсан. Хэрэг мөрдөн байцаалтын шатанд яваа бөгөөд хэвлэлээр хохирогч эмэгтэй анх “Орхон” зочид буудалд найз залуутайгаа орж ирсэн. Харин дараа нь найз залуу нь найзуудаа дуудсан байна” хэмээн цацагдсан.
Харин хохирогч охины ар гэрийнхэн “Миний дүүг зүс таних залуус хүнсний дэлгүүрээс гарч явахад нь хүчээр буудалд чирч оруулсан. Улмаар ам руу нь архи цутгаж, гурав хоног хүчирхийлсэн. Тэднийг суллаж явуулахад нь дүү маань найз залуу дээрээ шууд очиж үнэнээ хэлж, бидэнд мэдэгдсэн. Бид ч тэр даруй цагдаад хандсан” хэмээн мэдэгдсэн юм.
Мөн уг хэргийг Сэлэнгэ аймгийн цагдаагийн хэлтсээс шалгаж, хэргийн газар байсан залуусыг цагдан хорьж, эрүүгийн хэрэг үүсгэн шалгаж байгаа.
Хэрэг одоо ямар шатандаа яваа талаар цагдаагийн байгууллагын албаны эх сурвалжаас тодруулахад “Хэргийг шалгаж байгаа. Шалгалтын явцад охин өөрөө найз залуутайгаа буудалд орж, ууж идсэн нь тогтоогдсон. Мөн охиныг хүчиндсэн гэх мэдээллийн мөрөөр шалгаж, одоогоор хоёр залууд нь эрүүгийн хэрэг үүсгэсэн. Учир нь хоёр залуу нь охинтой бэлгийн харьцаанд орсон. Үүнээс илүү мэдээлэл өгөх боломжгүй” гэв.
Б.Чимэг
Сэтгэгдэл (20)