24tsag.mn facelook булангийн энэ удаагийн дугаарт Монголын мотоспортын анхны Ази тивийн аварга, Азийн аваргын хошой мөнгөн медальтай, улсдаа ноймор нэг, Азийн мундаг мотоцикльчдыг “айлгадаг” ОУХМ Э.Халиунболдын ховор зургуудыг дэлгэж байна.
Мотоцикльчин хүү: Энэ жил 25 нас хүрсэн Эрдэнэбилэгийн Халиунболд хүүг Монголын мотоспортод хамгийн бахдам амжилт гаргасан хүн гэж хэлж болно. Залуу тамирчин маань дөрвөн настайгаасаа мотоспортоор хичээллэж эхэлсэн ч хамгийн богино
хугацаанд түүхэн амжилт гаргасан цөөхөн тамирчдын нэг болж чадсан юм. Тэрээр анх "Yamaha 50" гэдэг мотоцикльтой байжээ. /Зурган дээрх/
“Тамирчин гэр бүл”: Халиунболдын өвөө, аав, ах бүгд мотоспортын тамирчин. Түүний өвөө Монголд мотоспортыг хөгжүүлэхэд үнэтэй хувь нэмэр оруулсан бол аав Эрдэнэбилэг нь манай урьдаа барьдаг мотоцикьлчдын нэг байсан гэдэг. Багаасаа аавыгаа дагаж мотоцикль унаж сурсанаар энэ спортод эргэлт буцалтгүй орсон тухайгаа Э.Халиунболд ярих дуртай.
Анхны шагнал: Тэрээр энэ зургийг 2000 оны идэрчүүдийн улсын аваргын тэмцээн анх удаа
монголд зохиогдоход авахуулжээ. Анхны тэмцээндээ 11 настайдаа оролцсон.
Түрүүлчихээд байж байгаа байдал. Ингээд түүний мотоциклоор уралдах урам
зориг нь улам бүр бадарч дотоод, гадаадын олон тэмцээн
уралдаанд оролцож эхэлжээ.
Азийн аварга: Халиука 2008 онд анхны Ази тивийн аварга боллоо. Тэр мотоцикль дээрээ суунгуутаа л жинхэнэ эрэмгий баатар эр болж, салхи мэт хурдлан тэнгэрт дүүлэн нисэх шахам давхидаг. Түүний амжилт Монголын мотоспортын хөгжлийг олон улсад харуулж чадсан юм.
Инээмсэглэл: Э.Халиунболд харьцангуй залуугаараа тив дэлхийн нэр хүндтэй тэмцээнээс алт мөнгөн
медалийг алдар нэрийн хамт шүүрсэн ч их зан сууж оодорсонгүй ээ. Тэр ах
дүүс, элэг нэгт монголчууддаа үргэлж хүндэтгэл үзүүлж явдаг нэгэн.
Тиймдээ ч түүнийг "Зан ааш нь эвдэрээгүй хүүхдээрээ зөв хүн болон
төлөвшиж байгаа хүү" гэж хүмүүс ярьдаг юм.
Хобби: Аавтайгаа нийлж хааяа нэг ан хийх нь түүний хобби. Тэр чөлөөтэй хувцаслах дуртай. Бариу ажил хэрэгч хувцсанд маш дургүй. Түүний зургийн цомгийн 80 хувийг чөлөөтэй хувцастай авахуулсан зураг эзэлнэ.
Дэд ахлагч: Тусгай хамгаалалтын тасгийн цагдаа зохицуулагч, цагдаагийн дэд ахлагч ОУХМ Э.Халиунболд Ираны Тегеран хотноо мотоциклийн бартаат замын Ази тивийн аварга шалгаруулах гурав дахь шатны тэмцээнээс авсан цомоо ЗЦГ-т дурсгал болгон өгч байгаа нь. Филиппиний нийслэл Манила хотноо болсон Мотоциклийн бартаат замын Ази тивийн аварга шалгаруулах тэмцээний сүүлийн гараанд ОУХМ Э.Халиунболд хоёрдугаар байрт орж ерөнхий дүнгээр Азийн аваргын мөнгөн медаль хүртсэн билээ. Эх орныхоо нэрийг тив дэлхийд цуурайтуулж яваа залуу тамирчны хүч хөдөлмөрийг үнэлэн Монгол Улсын Ерөнхийлөгчийн 151 дүгээр зарлигаар ”Хөдөлмөрийн хүндэт медаль”-аар шагнасан юм.
Ширүүн өрсөлдөгчид: Аваргын тэмцээнд шилдгүүд л оролцоно. АНУ,
ОХУ, Япон гээд л түүний өрсөлдөгчид хөвөрнө. Э.Халиунболд одоо Азийн аваргын ажилтаа бататгаж цаашлаад дэлхийн аваргуудтай хүч үзэхээр бэлдэж байна.
Ховор: Албаны хувцастай ховор зураг.
Ховор: Албаны хувцастай ховор зураг.
Бэлтгэл: Түүнд дэлхийн олон орноос хамгийн ихээр таалагдсан нь улс бол Япон. Учир нь тэнд Азийн шилдэгүүдтэй бэлтгэл хйиж тэдний туршлагаас судалжээ.
Үргэлжлэл: Тэрээр мотоцикль унаж сураад 21 жил, уралдаад 14 жил болж байна. Цаашид олон олон ялалтыг Монголын талд авчрах нас, хүч чадал, авьяас
билэг түүнд байгаа. Мотоспортыг хөгжүүлэх энгийн хүсэлтэй
хүүгийн амжилт хэрхэн үргэлжлэхийг дараа даргийн тэмцээнээс бид үзэх буй за.
24tsag.mn
Сэтгэгдэл (9)