“Саус Гоби Ресурс” компаний 29.95%-ийн хувьцааг эзэмшдэг Канадын “Туркиз Хилл Ресурс” компани хувьцаагаа Хонг-Конгийн хөрөнгийн биржид бүртгэлтэй “National United Resourses Holdings” компанид зарахаар болсон байна. Үүнтэй холбоотойгоор “Саус Гоби Ресурс”-ийн хувьцаа 4.9 хувиар унаж нэгж хувьцаа нь 0.26 хонкконг доллар болсон байна. Монголын Уул уурхайн хамгийн том хөрөнгө оруулагч “Туркиз Хилл Ресурс” компани нүүрсний салбараас гарч хувьцаагаа 25.5 сая канад доллараар худалдаалж байгаа нь хөрөнгө оруулагчдад сөрөг мессеж илгээх нь дамжиггүй юм. “Саус Гоби Ресурс” компаний овооттолгойн орд нь 133.3 сая тн нүүрсний баталгаажсан нөөцтэй экспортод тогтмол бүтээгдэхүүнээ гаргадаг гурван компаний нэг билээ. Үйлдвэрлэлийн зардал багатай ил аргаар олборлолт явуулдаг уг уурхайгаас “Туркиз Хилл Ресурс”-ийнхэн ийнхүү гарч байна. Энэ нь Монголын уул уурхайн томоохон төслүүдэд хамтарсан гадны хөрөнгө оруулагчид манай орны эдийн засаг, зах зээлд үл итгэсэн эргэлзэж эхэлсний шинж юм.
Сэтгэгдэл (3)