Ираны баруун хойд нутгаар хэд хэдэн удаагийн хүчтэй газар хөдлөлт болж 250 гаруй хүний амь үрэгдэж, шархдагсдын тоо 2000 хол давжээ. Ираны Дотоод хэргийн яамны мэдээлснээр 110 гаруй тосгон, суурин эвдэрч сүйрчээ. Гамшиг болсон газарт аврагчдаас гадна Сири болон Олон улсын Улаан загалмайн нийгэмлэгийн идэвхтнүүд ажиллаж байна. Олон хүн нуранги дор байгаа нь эрж хайх ажиллагааг хүндрүүлж байгаа бөгөөд энэ нь амь үрэгдсдийн тоо цаашид нэмэгдэх шалтгаан болж байгаа аж. 
  Эхний 6,4 магнитудын хүчтэй газар хөддөлт өнгөрсөн бямба гаригт Тебриз хотоос 60 км-ийн зайд 9.9 км-ийн гүнд болсон бол хоёрдахь нь мөн хотоос 49 км-ийн зайд тохиожээ. Иран улс газар хөдлөлтийн идэвхтэй бүс нутагт оршдог бөгөөд өнгөрсөн зуунд 20 гаруй удаагийн хүчтэй газар хөдлөлт болж 170 мянган хүний амь насыг авч одсон билээ. Хамгийн ойрынх нь гэвэл 2003 онд болсон 6,6 магнитудын хүчтэй газар хөддөлтийн үеэр 30 гаруй мянган хүний амь нас үрэгдэж, эртний Бам хот бүхэлдээ сүйрсэн.