Телевизийн шилдэг зураглаач шалгаруулдаг “Алмаз-2011” наадам өнгөрсөн бямба гарагт боллоо. Тус наадамд нийт 70 гаруй бичлэг, нэвтрүүлэг ирсэнээс 16 нь эцсийн финалд шалгарч үлдээд байсан юм. Монголын бараг бүх телевизийн уран бүтээлчид цугларсан энэ орой шилдгийн шилдэг “Гран при” шагналыг МҮНОРТ-ийн зураглаач Ж.Нямсүх “Говь” бүтээлээрээ хүртлээ. Тэрбээр томилолтоор гадаадад ажиллаж байгаа тул уг ёслолд оролцож чадаагүй. Түүний шагналыг хамт олон нь гардаж авсан юм.

NTV телевизээс зохион байгуулсан “Нэг дүрс мянган үгнээс үнэтэй” гэдэг уриатай "Алмаз 2011" наадам үндсэн дөрвөн төрлөөр шилдэг зураглаач шалгаруулав. Үүнд,

-Мэдээ, сурвалжлагын шилдэг зураглаач - “ТV5” телевизийн Н.Мөнхбаатар Дархан-Уул аймагт болсон гамшгийн дараах мэдээ, сурвалжлагаар

-Баримтат киноны шилдэг зураглаач - МҮОНРТ-ийн Ж.Нямсүх “Говь” бүтээлээр

-Уран сайхны шилдэг зураглаач - “MN25” телевизийн Г.Мөнхбаяр “Хулгар Нацаг” бүтээлээр

-Чөлөөт сэдэв, зохиомжийн шилдэг зураглаач - Д.Түвшинжаргал “Ихэр ботго” зохиомжоор “Алмаз-2011” наадмын цомыг авлаа.

Тус наадам нэг ахмад уран бүтээлчид хүндэтгэлийн цом өгдөг уламжлалтай бөгөөд энэ  жилийн цом, телевизийн урлагт олон жил зүтгэсэн, олон залуу уран бүтээлчийн багш нь гэгддэг МҮОНТ-ийн зураглаач Т.Машбатад очсон юм.

Мөн энэ жилээс гар утсаар авсан шилдэг бүтээл, оюутны шилдэг бүтээлийг шалгаруулж, “Тунгалаг тамир” киноны зураглаач Дэлгэрийн Баттулгын нэрэмжит шагналыг гардуулснаараа өмнөх дөрвөн жилийн наадмаас онцлог байлаа. Д.Баттулгын нэрэмжит “Алмаз”-ыг Сүхбаатар аймгийн “SВ” телевизийн зураглаач Ц.Энхбаатар авсан юм. Тэрбээр мөн л уг наадамд ирэх боломжгүй байсан тул хамт олонд нь шагналыг нь өглөө. Найруулагч мэргэжилтэй Ү.Батжаргал “Би байгалийн бүтээл”-ээр “Гар утасны шилдэг бичлэг” төрөлд шагнал авч “Мобиким”-ын шинэ гар утасны эзэн болсон. Харин “Оюутны шилдэг бүтээл” номаницид шаардлага хангах бүтээл ирээгүй тул шүүгчид залуу уран бүтээлч, МҮОНРТ-ийн зураглаач З.Батбилэгт манай сайтын нэрэмжит шагналыг өгсөн юм. “Алмаз-2011” наадамд телевизийн урлагт олон жил ажилласан ахмадууд, дөнгөж ажлын гараагаа эхэлж байгаа залуус гээд үе үеийнхэн ирсэн байв. Зохион байгуулагчдын зүгээс шилдэгээр шалгарсан бүх зураглаачдад дурсгалын бугуйвч бэлэглэсэн юм. “Гран при” шагналын эзэн нь ирээгүй ч “Нүдээ олсон шагнал байлаа” гэж наадамд оролцогчид өөрсдөө эзэн нь болсон юм шиг баярлаж байлаа.

"Алмаз" наадмын шилдэг 16 бүтээлийг үзэхийг хүсвэл энд дараарай.

Б.Баярмаа

Телевизийн шилдэг зураглаач шалгаруулдаг “Алмаз-2011” наадам өнгөрсөн бямба гарагт боллоо. Тус наадамд нийт 70 гаруй бичлэг, нэвтрүүлэг ирсэнээс 16 нь эцсийн финалд шалгарч үлдээд байсан юм. Монголын бараг бүх телевизийн уран бүтээлчид цугларсан энэ орой шилдгийн шилдэг “Гран при” шагналыг МҮНОРТ-ийн зураглаач Ж.Нямсүх “Говь” бүтээлээрээ хүртлээ. Тэрбээр томилолтоор гадаадад ажиллаж байгаа тул уг ёслолд оролцож чадаагүй. Түүний шагналыг хамт олон нь гардаж авсан юм.

NTV телевизээс зохион байгуулсан “Нэг дүрс мянган үгнээс үнэтэй” гэдэг уриатай "Алмаз 2011" наадам үндсэн дөрвөн төрлөөр шилдэг зураглаач шалгаруулав. Үүнд,

-Мэдээ, сурвалжлагын шилдэг зураглаач - “ТV5” телевизийн Н.Мөнхбаатар Дархан-Уул аймагт болсон гамшгийн дараах мэдээ, сурвалжлагаар

-Баримтат киноны шилдэг зураглаач - МҮОНРТ-ийн Ж.Нямсүх “Говь” бүтээлээр

-Уран сайхны шилдэг зураглаач - “MN25” телевизийн Г.Мөнхбаяр “Хулгар Нацаг” бүтээлээр

-Чөлөөт сэдэв, зохиомжийн шилдэг зураглаач - Д.Түвшинжаргал “Ихэр ботго” зохиомжоор “Алмаз-2011” наадмын цомыг авлаа.

Тус наадам нэг ахмад уран бүтээлчид хүндэтгэлийн цом өгдөг уламжлалтай бөгөөд энэ  жилийн цом, телевизийн урлагт олон жил зүтгэсэн, олон залуу уран бүтээлчийн багш нь гэгддэг МҮОНТ-ийн зураглаач Т.Машбатад очсон юм.

Мөн энэ жилээс гар утсаар авсан шилдэг бүтээл, оюутны шилдэг бүтээлийг шалгаруулж, “Тунгалаг тамир” киноны зураглаач Дэлгэрийн Баттулгын нэрэмжит шагналыг гардуулснаараа өмнөх дөрвөн жилийн наадмаас онцлог байлаа. Д.Баттулгын нэрэмжит “Алмаз”-ыг Сүхбаатар аймгийн “SВ” телевизийн зураглаач Ц.Энхбаатар авсан юм. Тэрбээр мөн л уг наадамд ирэх боломжгүй байсан тул хамт олонд нь шагналыг нь өглөө. Найруулагч мэргэжилтэй Ү.Батжаргал “Би байгалийн бүтээл”-ээр “Гар утасны шилдэг бичлэг” төрөлд шагнал авч “Мобиким”-ын шинэ гар утасны эзэн болсон. Харин “Оюутны шилдэг бүтээл” номаницид шаардлага хангах бүтээл ирээгүй тул шүүгчид залуу уран бүтээлч, МҮОНРТ-ийн зураглаач З.Батбилэгт манай сайтын нэрэмжит шагналыг өгсөн юм. “Алмаз-2011” наадамд телевизийн урлагт олон жил ажилласан ахмадууд, дөнгөж ажлын гараагаа эхэлж байгаа залуус гээд үе үеийнхэн ирсэн байв. Зохион байгуулагчдын зүгээс шилдэгээр шалгарсан бүх зураглаачдад дурсгалын бугуйвч бэлэглэсэн юм. “Гран при” шагналын эзэн нь ирээгүй ч “Нүдээ олсон шагнал байлаа” гэж наадамд оролцогчид өөрсдөө эзэн нь болсон юм шиг баярлаж байлаа.

"Алмаз" наадмын шилдэг 16 бүтээлийг үзэхийг хүсвэл энд дараарай.

Б.Баярмаа