“Олон овоот”-ын лицензээс болж хэдэн тэрбум төгрөгийн хэл аманд өртөөд байгаа “Жаст” группын захирал Ш.Батхүүд эрүүгийн хэрэг үүсгэх гэж байгаа тухай эх сурвалж мэдээллээ. Түүнийг бусдын эд хөрөнгийг хууль бусаар авсан, шамшигдуулсан хэрэгт буруутгаж байгаа бололтой. Ш.Батхүү, “Монгол газар”-ын Ц.Мянганбаяр нарт өмнө нь “Олон овоот гоулд” компанийг 50, 50 хувиар эзэмшдэг байхдаа банкнаас барьцаагүйгээр зээл авсан мөн уг зээлээ зориулалтын бусаар ашигласан гэж эрүүгийн хэрэг үүсгэж байжээ. Үүнээс гадна “Олон овоот”-ийн гэнэтийн ашгийн 68 хувийн татвараас зайлсхийж 12.8 тэрбум төгрөг улсад төлөөгүй гэж үзэж байсан юм. Тухайн үед энэ хэргийг Нийслэлийн прокурорын газраас шалгаад эрүүгийн биш иргэний хэрэг гээд өнгөрөөсөн ажээ. Харин өчигдөр Улсын ерөнхий прокурорын газрынхан “Жаст” группын асуудлыг сөхөж, дахин шалгахаар болсон гэж мэдээлэв. “Зоос” банкыг дампууруулсан гэх Ц.Мянганбаярыг ч өнөөдөр хууль бусаар ашигт малтмал олборлосон, татвараас зайлсхийсан зэрэг олон үндэслэлээр шалгаж, мөрдөн байцаагч, прокурорын зөвшөөрөлгүй хил гарахыг хориглоод байгаа юм.

   “Олон овоот”-ын лицензээс болж хэдэн тэрбум төгрөгийн хэл аманд өртөөд байгаа “Жаст” группын захирал Ш.Батхүүд эрүүгийн хэрэг үүсгэх гэж байгаа тухай эх сурвалж мэдээллээ. Түүнийг бусдын эд хөрөнгийг хууль бусаар авсан, шамшигдуулсан хэрэгт буруутгаж байгаа бололтой. Ш.Батхүү, “Монгол газар”-ын Ц.Мянганбаяр нарт өмнө нь “Олон овоот гоулд” компанийг 50, 50 хувиар эзэмшдэг байхдаа банкнаас барьцаагүйгээр зээл авсан мөн уг зээлээ зориулалтын бусаар ашигласан гэж эрүүгийн хэрэг үүсгэж байжээ. Үүнээс гадна “Олон овоот”-ийн гэнэтийн ашгийн 68 хувийн татвараас зайлсхийж 12.8 тэрбум төгрөг улсад төлөөгүй гэж үзэж байсан юм. Тухайн үед энэ хэргийг Нийслэлийн прокурорын газраас шалгаад эрүүгийн биш иргэний хэрэг гээд өнгөрөөсөн ажээ. Харин өчигдөр Улсын ерөнхий прокурорын газрынхан “Жаст” группын асуудлыг сөхөж, дахин шалгахаар болсон гэж мэдээлэв. “Зоос” банкыг дампууруулсан гэх Ц.Мянганбаярыг ч өнөөдөр хууль бусаар ашигт малтмал олборлосон, татвараас зайлсхийсан зэрэг олон үндэслэлээр шалгаж, мөрдөн байцаагч, прокурорын зөвшөөрөлгүй хил гарахыг хориглоод байгаа юм.