Хууль зүй, дотоод хэргийн сайдын байшинг барьж байсан хоригдол амиа хорлосон тухай саяхан хэвлэл мэдээллийн хэрэгслүүдээр бичиж байсан. Харин өнөөдөр түүнийг нийт гурван сая зургаан зуун мянган америк долларын үнэтэй дөрвөн тансаг байшинтай тухай шуугих болов. Эдгээрийн хоёр нь өөрийнх нь бөгөөд үлдсэн хоёрыг нь хоёр хүүдээ зориулан бариулж байгаа аж.

   Туул голын эрэг дээр “МСS” компанийн барьсан Кувейтийн ЭСЯ-ны байрны таван давхарт байдаг Ц.Нямдоржийн байр нь нэг сая  долларын үнэтэй юм. Мөн Чингэлтэй дүүргийн 18-р хорооны задгай буюу Билгүүн уулын энгэрт байдаг гурван давхар тансаг хаус нь 600 мянган долларын өртөгтэй аж. Түүний хоёр хүүдээ бариулж байгаа байшин нь тус бүр нэг сая долларын үнэтэй гэж эх сурвалжууд мэдээллээ. Хууль зүй, дотоод хэргийн сайд дээрх байшингуудынхаа гурвыг нь Шүүхийн шийдвэр гүйцэтгэх газрын хоригдлуудаар бариулсан нь үнэн. Тэдний байшинг барьж байсан нэг хоригдол өндөр дээрээс унаж нас барсан бол нэг нь амиа хорлосон. Тиймээс олон хүний анхааралд өртөхгүй гээд яах билээ. Ялангуяа Ц.Нямдорж сайдын суусан сандлыг яаж нэг сугалъя даа гэсэн нэгэнд сайхан шалтаг болов. Тэгээд ч дээрх үл хөдлөх хөрөнгө нь АТГ-ын төрийн албан хаагчийн хөрөнгө орлогын мэдүүлэгт нь байдаггүй юм билээ. Тэрээр насаараа төрийн албанд ажилласан, эхнэр, хүүхэд нь ч төрийн албан хаагч тул тэр их мөнгийг хаанаас олов гэдгийг олон хүн сонирхож байна.

   Үүнтэй холбогдуулан УИХ-ын хүний эрхийн дэд хороог Ц.Нямдоржийг шалгаж өгөхийг ч хүсэв. Сонирхолтой нь дээрх мэдээллийг МАХН-ын дарга Н.Энхбаяр, тус намын ерөнхий нарийн бичгийн дарга Н.Удвал нар хэвлэлийн бага хурлын үеэр өгсөн юм.

   МАХН-аас сэтгүүлчдэд тараасан хуудсанд “Гүнт дэх Ц.Нямдоржийн вант улс” гэсэн гарчиг өгөөд дараах зүйлийг бичсэн байв. Үүнд:

   “Хувьсгалт намын төдийгүй Монголын улс төрийн хамгийн том, тод төлөөлөгч Хууль зүйн “мэнгэт” сайд Ц.Нямдорж бидний дунд амьдарч буй нэг өвөрмөц дүр. Сав л хийвэл Чапигийн элэглэлийн бай болчихдог эрхэм гишүүн хэрвээ рекламанд тоглосон дүрийнхээ төлөө мөнгө нэхвэл FM-үүд болон бизнесийнхээс овоо хэдэн цаас салгачихаар. Монголын парламентад олон жил сууж буй хашир улс төрчийн хөрөнгө мөнгө, хувийн амьдрал тэр хэрээрээ олны хараанд байдаг. Хамгийн их хэл ам дагуулж байсан хөрөнгө нь зуслангийн байшин.

   Нэгэн цагт алдарт буудалцаан болж байсан Гүнт угаас цагдаа, хүчнийхний зуслан гэгддэг. Ноён Ц.Нямдоржийн вант улс ойр хавьдаа л байхгүй тансаг, бэл нүнжиг илтгэсэн байшингуудтай. Хашаа хороо, хаалганаасаа л их хөрөнгө хаясан нь илт эднийх Ху намын лидерүүд болох Гаалийн дарга Д.Цэвээнжав, УИХ-ын гишүүн Сүхбаатар, БО-ны сайд асан У.Барсболд нартай айлсдаг. Бүр нэг гал болж төмөр хашаагаар хил хязгаараа тогтоосон нь өвөл, зуны аль ч улиралд аюулгүй байдлаа бодолцсоных биз ээ. Тэгээд ч зиндаа зиндаагаараа гэж нэг зүйл бас бий.

   Энэ эрхэм сайд архан талдаа ихэр мэт адилхан 2 том хауз сүндэрлүүлсэн нь хоёр хүүгийнх нь гэнэ. Энэ хэдэн тэрбумын өртөгтэй хаа холоо харц булаах 2 ягаан хаузыг ойр хавийнхан нь шүлсээ гоожуулан харах болжээ. Ц.Нямдорж сайд зуслангийн байшингаа асар өндөр үнээр бариулсан хэмээх хар пиарыг 2000 оны сонгиулаар сөрөг хүчний өрсөлдөгчид нь хүчтэй хийж байсан түүх ч бий” гэжээ.

Б.Баяр

   Хууль зүй, дотоод хэргийн сайдын байшинг барьж байсан хоригдол амиа хорлосон тухай саяхан хэвлэл мэдээллийн хэрэгслүүдээр бичиж байсан. Харин өнөөдөр түүнийг нийт гурван сая зургаан зуун мянган америк долларын үнэтэй дөрвөн тансаг байшинтай тухай шуугих болов. Эдгээрийн хоёр нь өөрийнх нь бөгөөд үлдсэн хоёрыг нь хоёр хүүдээ зориулан бариулж байгаа аж.

   Туул голын эрэг дээр “МСS” компанийн барьсан Кувейтийн ЭСЯ-ны байрны таван давхарт байдаг Ц.Нямдоржийн байр нь нэг сая  долларын үнэтэй юм. Мөн Чингэлтэй дүүргийн 18-р хорооны задгай буюу Билгүүн уулын энгэрт байдаг гурван давхар тансаг хаус нь 600 мянган долларын өртөгтэй аж. Түүний хоёр хүүдээ бариулж байгаа байшин нь тус бүр нэг сая долларын үнэтэй гэж эх сурвалжууд мэдээллээ. Хууль зүй, дотоод хэргийн сайд дээрх байшингуудынхаа гурвыг нь Шүүхийн шийдвэр гүйцэтгэх газрын хоригдлуудаар бариулсан нь үнэн. Тэдний байшинг барьж байсан нэг хоригдол өндөр дээрээс унаж нас барсан бол нэг нь амиа хорлосон. Тиймээс олон хүний анхааралд өртөхгүй гээд яах билээ. Ялангуяа Ц.Нямдорж сайдын суусан сандлыг яаж нэг сугалъя даа гэсэн нэгэнд сайхан шалтаг болов. Тэгээд ч дээрх үл хөдлөх хөрөнгө нь АТГ-ын төрийн албан хаагчийн хөрөнгө орлогын мэдүүлэгт нь байдаггүй юм билээ. Тэрээр насаараа төрийн албанд ажилласан, эхнэр, хүүхэд нь ч төрийн албан хаагч тул тэр их мөнгийг хаанаас олов гэдгийг олон хүн сонирхож байна.

   Үүнтэй холбогдуулан УИХ-ын хүний эрхийн дэд хороог Ц.Нямдоржийг шалгаж өгөхийг ч хүсэв. Сонирхолтой нь дээрх мэдээллийг МАХН-ын дарга Н.Энхбаяр, тус намын ерөнхий нарийн бичгийн дарга Н.Удвал нар хэвлэлийн бага хурлын үеэр өгсөн юм.

   МАХН-аас сэтгүүлчдэд тараасан хуудсанд “Гүнт дэх Ц.Нямдоржийн вант улс” гэсэн гарчиг өгөөд дараах зүйлийг бичсэн байв. Үүнд:

   “Хувьсгалт намын төдийгүй Монголын улс төрийн хамгийн том, тод төлөөлөгч Хууль зүйн “мэнгэт” сайд Ц.Нямдорж бидний дунд амьдарч буй нэг өвөрмөц дүр. Сав л хийвэл Чапигийн элэглэлийн бай болчихдог эрхэм гишүүн хэрвээ рекламанд тоглосон дүрийнхээ төлөө мөнгө нэхвэл FM-үүд болон бизнесийнхээс овоо хэдэн цаас салгачихаар. Монголын парламентад олон жил сууж буй хашир улс төрчийн хөрөнгө мөнгө, хувийн амьдрал тэр хэрээрээ олны хараанд байдаг. Хамгийн их хэл ам дагуулж байсан хөрөнгө нь зуслангийн байшин.

   Нэгэн цагт алдарт буудалцаан болж байсан Гүнт угаас цагдаа, хүчнийхний зуслан гэгддэг. Ноён Ц.Нямдоржийн вант улс ойр хавьдаа л байхгүй тансаг, бэл нүнжиг илтгэсэн байшингуудтай. Хашаа хороо, хаалганаасаа л их хөрөнгө хаясан нь илт эднийх Ху намын лидерүүд болох Гаалийн дарга Д.Цэвээнжав, УИХ-ын гишүүн Сүхбаатар, БО-ны сайд асан У.Барсболд нартай айлсдаг. Бүр нэг гал болж төмөр хашаагаар хил хязгаараа тогтоосон нь өвөл, зуны аль ч улиралд аюулгүй байдлаа бодолцсоных биз ээ. Тэгээд ч зиндаа зиндаагаараа гэж нэг зүйл бас бий.

   Энэ эрхэм сайд архан талдаа ихэр мэт адилхан 2 том хауз сүндэрлүүлсэн нь хоёр хүүгийнх нь гэнэ. Энэ хэдэн тэрбумын өртөгтэй хаа холоо харц булаах 2 ягаан хаузыг ойр хавийнхан нь шүлсээ гоожуулан харах болжээ. Ц.Нямдорж сайд зуслангийн байшингаа асар өндөр үнээр бариулсан хэмээх хар пиарыг 2000 оны сонгиулаар сөрөг хүчний өрсөлдөгчид нь хүчтэй хийж байсан түүх ч бий” гэжээ.

Б.Баяр