АТГ-ын дарга нарын хэргийг Улсын дээд шүүхийн хяналтын шатны эрүүгийн хэргийн шүүх хуралдаанаар хэлэлцэж, хорих ялыг тэнсэн харгалзах ял болон өөрчиллөө. Анхан болон давж заалдах шатны шүүхээс Ч.Сангарагчаад Эрүүгийн хуулийн 87.1, 133.1, 263.2, 111.2-т зааснаар 2.4 жил хорих, Д.Сундуйсүрэн, Ө.Алтангадас нарт 87.1, 133.1-т зааснаар хоёр жил хорих ял тус тус ногдуулж байсан юм. Өнөөдрийн хуралдаанаар тэдний хэргийг хянан хэлэлцээд Ч.Сангарагчаа, Д.Сундуйсүрэн, Ө.Алтангадас нар гэмт хэрэг үйлдсэн гэм буруутай, анхан болон давж заалдах шатны шүүхийн дүгнэлт үндэслэлтэй, гэмт хэргийн зүйчлэл зөв байна хэмээн үзжээ. Гэвч тэдэнд ногдуулсан ялыг биечлэн эдлүүлэх шаардлагагүй гэж дүгнэн, тус бүрт нь тэнсэн харгалзах ял оноож, өнөөдөр суллахаар болсон байна.

   АТГ-ын дарга Ч.Сангарагчаа нь төрийн нууц задруулсан, гүйцэтгэх ажлын хууль тогтоомж зөрчсөн, төрийн албан тушаалтны эрх мэдэл, албан тушаалын байдлаа урвуулан ашигласан хэргээр жирийн дэглэмтэй хориход 2.4 жил ял эдлүүлэхээр болсон. Тэрбээр хоригдох хугацаандаа ШШГЕГ-ын харьяа 411 дүгээр анги буюу хүүхдийн хорих ангийн аж ахуйн хэсэгт, эд хогшлыг хариуцан ажиллаж байсан юм. Харин дэд дарга Д.Сундуйсүрэн, Гүйцэтгэх албаны дарга Ө.Алтангадас нарыг төрийн нууц задруулсан гүйцэтгэх ажиллагааны хууль тогтоомж зөрчсөн гэмт хэрэг үйлдсэн хэмээн тус бүр хоёр жилийн ял оноосон. Ө.Алтангадас хоригдох хугацаандаа Тахир соёотод мужаан хийж байсан билээ.

Ингээд хурлын дараа өмгөөлөгч Ц.Монголоос цөөн асуултад хариулт авлаа.

-Шүүхийн шийдвэртэй санал нийлж байна уу?

-Ч.Сангарагчаа, Д.Сундуйсүрэн, Ө.Алтангадас нарын хорих ялыг тэнсэн харгалзах ял болгож өөрчиллөө. Бусад заалтыг хэвээр үлдээсэн. Д.Сундуйсүрэнгийн хувьд түүнийг цагаатгах байр суурьтай оролцсон. Тиймээс ерөнхий шүүгчид гомдол гаргана. Учир нь хавтаст хэрэгт түүнийг гэмт хэрэг үйлдсэн гэх баримт байхгүй.

-Бусад заалт хэвээр үлдсэн гэхээр юу гэсэн үг вэ?

-Тэр талаар ярих боломжгүй.

-Тэнсэн харгалзах гэхээр суллана гэсэн үг үү?

-Тийм. Гурвуулаа өнөөдөр нэн даруй суллагдана.

-Нийслэлийн шүүхийн шүүгч Сарантуяа өмнө нь анхан болон давж заалдах шатнй шүүхэд ямар нэгэн алдаа гараагүй. Тиймээс хэргийг Улсын дээд шүүхэд хянан хэлэлцэх шаардлагагүй гэж байсан?

-Алдаа гарсан гэж үзээгүй. Хорих ялыг л тэнсэн харгалзах ял болон өөрчилсөн шүү дээ.

-Д.Сундуйсүрэнгийн асуудлаар хэзээ шүүхэд хандах вэ?

-Шүүхийн шийдвэр хүлээн авснаас хойш нэг сарын дотор гомдол гаргах эрхтэй. Ерөнхий шүүгч гомдлыг хянаж үзээд, үндэслэлтэй гэж үзвэл дүгнэлт бичээд нийт шүүгчдийн хуралдаанаар хэлэлцэнэ.

Б.Чимэг

   АТГ-ын дарга нарын хэргийг Улсын дээд шүүхийн хяналтын шатны эрүүгийн хэргийн шүүх хуралдаанаар хэлэлцэж, хорих ялыг тэнсэн харгалзах ял болон өөрчиллөө. Анхан болон давж заалдах шатны шүүхээс Ч.Сангарагчаад Эрүүгийн хуулийн 87.1, 133.1, 263.2, 111.2-т зааснаар 2.4 жил хорих, Д.Сундуйсүрэн, Ө.Алтангадас нарт 87.1, 133.1-т зааснаар хоёр жил хорих ял тус тус ногдуулж байсан юм. Өнөөдрийн хуралдаанаар тэдний хэргийг хянан хэлэлцээд Ч.Сангарагчаа, Д.Сундуйсүрэн, Ө.Алтангадас нар гэмт хэрэг үйлдсэн гэм буруутай, анхан болон давж заалдах шатны шүүхийн дүгнэлт үндэслэлтэй, гэмт хэргийн зүйчлэл зөв байна хэмээн үзжээ. Гэвч тэдэнд ногдуулсан ялыг биечлэн эдлүүлэх шаардлагагүй гэж дүгнэн, тус бүрт нь тэнсэн харгалзах ял оноож, өнөөдөр суллахаар болсон байна.

   АТГ-ын дарга Ч.Сангарагчаа нь төрийн нууц задруулсан, гүйцэтгэх ажлын хууль тогтоомж зөрчсөн, төрийн албан тушаалтны эрх мэдэл, албан тушаалын байдлаа урвуулан ашигласан хэргээр жирийн дэглэмтэй хориход 2.4 жил ял эдлүүлэхээр болсон. Тэрбээр хоригдох хугацаандаа ШШГЕГ-ын харьяа 411 дүгээр анги буюу хүүхдийн хорих ангийн аж ахуйн хэсэгт, эд хогшлыг хариуцан ажиллаж байсан юм. Харин дэд дарга Д.Сундуйсүрэн, Гүйцэтгэх албаны дарга Ө.Алтангадас нарыг төрийн нууц задруулсан гүйцэтгэх ажиллагааны хууль тогтоомж зөрчсөн гэмт хэрэг үйлдсэн хэмээн тус бүр хоёр жилийн ял оноосон. Ө.Алтангадас хоригдох хугацаандаа Тахир соёотод мужаан хийж байсан билээ.

Ингээд хурлын дараа өмгөөлөгч Ц.Монголоос цөөн асуултад хариулт авлаа.

-Шүүхийн шийдвэртэй санал нийлж байна уу?

-Ч.Сангарагчаа, Д.Сундуйсүрэн, Ө.Алтангадас нарын хорих ялыг тэнсэн харгалзах ял болгож өөрчиллөө. Бусад заалтыг хэвээр үлдээсэн. Д.Сундуйсүрэнгийн хувьд түүнийг цагаатгах байр суурьтай оролцсон. Тиймээс ерөнхий шүүгчид гомдол гаргана. Учир нь хавтаст хэрэгт түүнийг гэмт хэрэг үйлдсэн гэх баримт байхгүй.

-Бусад заалт хэвээр үлдсэн гэхээр юу гэсэн үг вэ?

-Тэр талаар ярих боломжгүй.

-Тэнсэн харгалзах гэхээр суллана гэсэн үг үү?

-Тийм. Гурвуулаа өнөөдөр нэн даруй суллагдана.

-Нийслэлийн шүүхийн шүүгч Сарантуяа өмнө нь анхан болон давж заалдах шатнй шүүхэд ямар нэгэн алдаа гараагүй. Тиймээс хэргийг Улсын дээд шүүхэд хянан хэлэлцэх шаардлагагүй гэж байсан?

-Алдаа гарсан гэж үзээгүй. Хорих ялыг л тэнсэн харгалзах ял болон өөрчилсөн шүү дээ.

-Д.Сундуйсүрэнгийн асуудлаар хэзээ шүүхэд хандах вэ?

-Шүүхийн шийдвэр хүлээн авснаас хойш нэг сарын дотор гомдол гаргах эрхтэй. Ерөнхий шүүгч гомдлыг хянаж үзээд, үндэслэлтэй гэж үзвэл дүгнэлт бичээд нийт шүүгчдийн хуралдаанаар хэлэлцэнэ.

Б.Чимэг