Дэлхий тойрон аялаж явсан Индонезийн жуулчин Эрхүүд мөнгө, бичиг баримтаа алджээ. Хотын түүх дурсгалт газрыг сонирхож байсан жуулчин Эрхүүгийн нэгэн цайны газар зөөврийн компьютерээ үзэн сэрэмж алдах агшинд дэргэдээ байсан мөнгө, бичиг баримттай цүнхийг нь хэн нэгэн сэм авахыг анзаарсангүй.  
   - Нэлээн ажил болсны эцэст цагдаагийнхан хулгайчийг барьж саатуулсан. Гадаадын хүний эд зүйлс хулгайлсан этгээд нь хувь заяаны шоглоомоор бас гадаад хүн болж таарсан гэж Эрхүү дэхь Оросын Дотоод явдлын удирдах газрын хэвлэлийн төлөөлөгч Раиса Силина мэдгэдэв.
    Хулгайн хэргээр ял эдэлж байгаад хэдхэн хоногийн өмнө суллагдсан, Монгол улсын 43 настай иргэн энэ хэргийг өдүүлсэн байна. Цагдаа нар монгол хулгайчийг саатуулан алдсан зүйлсийг нь индонези жуулчинд эргүүлэн өгчээ. “Засрал хүмүүжлийг олоогүй тал нутгийн хүү дахиад хэдэн өвлийг Сибирийн хар гэрт өнгөрөөх болох нь” гэж Эрхүүгийн хэвлэлүүд бичжээ.
    Монгол хэрэгтний зургийг Эрхүүгийн цагдаа нар тараасан боловч нэрийг нь дурдаагүй байна.