Эрчим хүчний  салбар 44.8 тэрбум төгрөгийн алдагдалд орсон учраас 2013 он гармагц цахилгаан, дулааны үнийг нэмэхээр төлөвлөсөн байна. Цаашид энэ хэвээр үргэлжилбэл алдагдал улам өсөх учраас цахилгаан, дулааны үнийг нэмэх шаардлага зайлшгүй гарсан гэж Эрчим хүчний зохицуулах хорооноос тайлбарлаж байгаа юм. Дулааны үнэ одоогийнхоос 20 хувиар, өрхийн 150 кв.цагаас илүү гарсан цахилгааны хэрэглээний үнэ 15 хувиар өсөх юм байна.

Өөрөөр хэлбэл, өрхийн хэрэглэгч 150 кв.цаг хүртэлх цахилгааны хэрэглээндээ одоогийн мөрдөж байгаа тарифаар буюу 79 төгрөг 80 мөнгө төлнө. Харин 150 кв.цагаас илүү гарсан цахилгааны хэрэглээ бүртээ одоогийнхоос 20 хувь өссөн үнэ төлөх юм.