Далай лам Япон улсад хийх 10 хоногийн айлчлалаа эхлэв. Наритагийн нисэх онгоцны буудалд түүнийг Зүүн Азийн орнууд хариуцсан бие төлөөлөгч Лхагва, Япон дахь Төвдийн нийгэмлэгийнхэн, Төвдийг дэмждэг япончууд угтжээ. 1967 оноос хойш 29 дэхь нь болж буй энэ айлчлалд Далай ламын нарийн бичгийн дарга Чимдрэгзэн, Нямцэгмид нар дагалдан явж байна.
Онгоцны буудалд Далай лам Төвдөд биеэ шатаасан лам нар, болон хойд дүрийн асуудлаар сэтгүүлчдэд ярилцлага өгчээ. Юуны түрүүнд тэрбээр байгалийн гамшигт нэрвэгдсэн нутгуудад очиж, хүмүүстэй уулзах, тэднийг сэтгэл санаагаар дэмжих хүсэлтэй байгаагаа хэлжээ. 2012 онд Хятадын одоогийн удирдлага халаагаа өгөх талаар тавьсан асуултад тэрбээр “Энэ бол улс төрийн асуудал, харин би улс төрийн удирдагчийн албан тушаалаа өгчихсөн хүн” гэсэн бөгөөд “Гэхдээ хувь хүнийхээ бодлыг хэлж бол болох юм. Ху Жинтаог төрийн эрхэнд гарахад нааштай өөрчлөлт гарах байх гэж найдсан хүн олон байлаа. Нийтээрээ эв найртай байхыг чухалчилж хэлсэн түүний үгийг би дэмжиж байсан. Гэвч 10 жил өнгөрсөн хойно харж байхад Хятадад эв найр гэдэг зүйл бий болсон уу, үгүй юу. 2008 онд Төвд, 2009 онд Шинжаан, 2011 онд Өвөр Монголд юу болов? Эв найртай байхыг зорьсон нь сайхан боловч түүндээ хүрэх арга зам нь алдаатай байна. Эв найр бий болох үндэс нь харилцан итгэлцэл юм. Тэгвэл итгэлцэл айдас гэдэг хоёр зүйл нэг доор байж чаддаггүй. Тэгэхээр шинэ удирдлага гарч ирсэнээр өөрчлөлт ирнэ гэж хэлэхэд эрт байна” гэжээ. Дараа дүрийн талаар Далай лам хэлэхдээ “Коммунистууд шашинд итгэдэггүй, амьдрал үхлээр л дуусдаг гэж үздэг болхоор юун дараа дүр байх вэ дээ. Тэгсэн мөртлөө л тэд Далай ламын дараа дүрийг тодруулж аваад үйл явцыг удирдах санаатай байна. Далай лам улс төрч байхаа больсон. Дараа төрлийг тэгж их сонирхоод байгаа бол тэд нар эхлээд шашныг хүлээн зөвшөөрдөг болох хэрэгтэй. Ерөөс тэгж их сонирхоод байгаа бол Мао, Дэн Сяопин нарынхаа хойд дүрийг хайвал таарна” гэжээ.
Далай лам Япон улсад хийх 10 хоногийн айлчлалаа эхлэв. Наритагийн нисэх онгоцны буудалд түүнийг Зүүн Азийн орнууд хариуцсан бие төлөөлөгч Лхагва, Япон дахь Төвдийн нийгэмлэгийнхэн, Төвдийг дэмждэг япончууд угтжээ. 1967 оноос хойш 29 дэхь нь болж буй энэ айлчлалд Далай ламын нарийн бичгийн дарга Чимдрэгзэн, Нямцэгмид нар дагалдан явж байна.
Онгоцны буудалд Далай лам Төвдөд биеэ шатаасан лам нар, болон хойд дүрийн асуудлаар сэтгүүлчдэд ярилцлага өгчээ. Юуны түрүүнд тэрбээр байгалийн гамшигт нэрвэгдсэн нутгуудад очиж, хүмүүстэй уулзах, тэднийг сэтгэл санаагаар дэмжих хүсэлтэй байгаагаа хэлжээ. 2012 онд Хятадын одоогийн удирдлага халаагаа өгөх талаар тавьсан асуултад тэрбээр “Энэ бол улс төрийн асуудал, харин би улс төрийн удирдагчийн албан тушаалаа өгчихсөн хүн” гэсэн бөгөөд “Гэхдээ хувь хүнийхээ бодлыг хэлж бол болох юм. Ху Жинтаог төрийн эрхэнд гарахад нааштай өөрчлөлт гарах байх гэж найдсан хүн олон байлаа. Нийтээрээ эв найртай байхыг чухалчилж хэлсэн түүний үгийг би дэмжиж байсан. Гэвч 10 жил өнгөрсөн хойно харж байхад Хятадад эв найр гэдэг зүйл бий болсон уу, үгүй юу. 2008 онд Төвд, 2009 онд Шинжаан, 2011 онд Өвөр Монголд юу болов? Эв найртай байхыг зорьсон нь сайхан боловч түүндээ хүрэх арга зам нь алдаатай байна. Эв найр бий болох үндэс нь харилцан итгэлцэл юм. Тэгвэл итгэлцэл айдас гэдэг хоёр зүйл нэг доор байж чаддаггүй. Тэгэхээр шинэ удирдлага гарч ирсэнээр өөрчлөлт ирнэ гэж хэлэхэд эрт байна” гэжээ. Дараа дүрийн талаар Далай лам хэлэхдээ “Коммунистууд шашинд итгэдэггүй, амьдрал үхлээр л дуусдаг гэж үздэг болхоор юун дараа дүр байх вэ дээ. Тэгсэн мөртлөө л тэд Далай ламын дараа дүрийг тодруулж аваад үйл явцыг удирдах санаатай байна. Далай лам улс төрч байхаа больсон. Дараа төрлийг тэгж их сонирхоод байгаа бол тэд нар эхлээд шашныг хүлээн зөвшөөрдөг болох хэрэгтэй. Ерөөс тэгж их сонирхоод байгаа бол Мао, Дэн Сяопин нарынхаа хойд дүрийг хайвал таарна” гэжээ.