Монгол Улсын Их Хурлын чуулганы өчигдрийн (2025.11.28) нэгдсэн хуралдаанаар Улсын Их Хурлын Ерөнхий нарийн бичгийн даргын үүрэгт ажлаас Барсүрэнгийн Баасандоржийг чөлөөлж, Хууль зүйн ухааны доктор, профессор, Монгол Улсын гавьяат хуульч Лувсандоржийн Өлзийсайханыг томилсон. Түүний тухай баримтуудыг хүргэж байна.

Лувсандоржийн Өлзийсайхан (1976 онд төрсөн ) Тэрбээр Үндсэн хууль болон шүүх эрх мэдэл, хууль тогтоох үйл ажиллагааны практик судалгааны чиглэлээр Америк, Герман, Япон, Франц, Солонгос, Швейцарын холбооны улсад мэргэжил дээшлүүлсэн. Хууль зүйн шинжлэх ухааны доктор, дэд профессор цолтой.

Намтар

1998-2002 онд УБИС-д багш.

2002-2016 онд МУИС-ийн Хууль зүйн сургуульд багш, ахлах багш.

2007 оноос Улсын Их Хурлын Тамгын газрын зөвлөх. шинжээчдийн хэсэг хариуцсан ахлах зөвлөх,  

2013-2015 онд Шүүхийн Ерөнхий Зөвлөлийн Шүүхийн хүний нөөцийн газрын дарга,

2015- 2017 онд нийслэл дэх Захиргааны хэргийн анхан шатны шүүхийн шүүгч.

2018-2019 онд ЗГХЭГ-ын Стратегийн удирдлага зохицуулалтын газрын дарга.

2019 оноос Улсын Их Хурлын Тамгын газрын Ерөнхий нарийн бичгийн даргаар томилогдон ажилласан байна.

2023 оны 11-р сард Монгол Улсын Үндсэн хуулийн цэцийн гишүүнд Улсын Их Хурлаас нэр дэвшүүлж баталсан байна.

Л.Баяр