Өвлийн эд хүйтэн хаяанд ирж хүмүүс осгох, эндэх тохиолдол ихэсжээ. Иймд, бид та бүхэнд осголтын үед бусдад үзүүлэх анхан шатны тусламж, зөвлөгөөг хүргэж байна. Осголт (hypothermia) бол биеийн төвийн температур 35°C-аас доош буурснаар үүсдэг амь насанд аюултай байдал тул яаралтай анхан шатны тусламж үзүүлэх шаардлагатай. Доорх алхмууд нь мэргэжлийн бус, анхан шатны тусламжийн ерөнхий зөвлөмжүүд юм.

Осголтын үед үзүүлэх анхан шатны тусламж

1. Яаралтай дулаан орчинд оруулна

• Хүйтэн салхи, цас, нойтон байдлаас холдуулна.

• Боломжтой бол дулаан өрөө, машин зэрэг салхи хаалттай газар оруулна.

2. Хувцсыг нь шалгана

• Хэрэв хувцас нь нойтон байвал боломжоороо болгоомжтой тайлж, хуурай, дулаан хувцас эсвэл хөнжил өгнө.

• Тэр хүнийг хэт хөдөлгөхгүй байх нь чухал — ялангуяа хүнд осголт байвал хөдөлгөөн зүрхний хэм алдагдах эрсдэлтэй.

3. Дулаацуулах

• Хөнжил, дулаан хувцас, дулаан дэвсгэрээр биеийг бүхэлд нь бүрхэнэ.

• Толгой, хүзүү, цээж, суга, цавь зэрэг дулаан алдагдал ихтэй хэсгийг илүү сайн дулаацуулна.

• Зуух, ил гал, шууд халуун халаагуур зэрэг маш халуун зүйлд ойртуулахгүй.
  (Арьс түлэгдэх, цусны эргэлт огцом өөрчлөгдөх эрсдэлтэй.)

4. Аажуухан дулаан шингэн уулгана

• Уух чадвартай, ухаан орсон байвал:

  • Халуун биш, дулаахан ус, цай, шөл уулгаж болно.

• Спирт, кофе өгөхгүй.
  (Спирт дулаан алдагдуулдаг, кофе шингэн хомсдолд хүргэдэг.)

5. Арьсыг үрэх, халуун усанд хийхгүй байх

• Цас, гараар арьсыг үрж огт болохгүй — арьс гэмтэнэ.

• Гэнэт халуун усанд хийх нь ноцтой зүрх судасны аюултай.

6. Амьсгал, ухаан санааг шалгана

• Амьсгалахгүй, эсвэл маш сул байвал яаралтай тусламж дуудах.

• Хэрэв шаардлагатай бол сэхээн амьдруулалт (CPR) хийнэ (та мэддэг бол).

7. Яаралтай тусламж дуудах хэрэгтэй нөхцөл

Осголт хүнд хэлбэртэй гэж сэжигдвэл:

• Удаан, сул эсвэл хэвийн бус амьсгалтай

• Хөдөлгөөнгүй, будилах, унтамхай

• Хөл, гар нь мөстсөн мэт цайж хөхөрсөн

• Хэт дагжин чичирч байгаад чичрэхээ больсон

→ 103 / 105 руу яаралтай залгаж тусламж дуудна.

Л.Баяр