Тшиава суурингийнхан Өмнөд Африкийн хуурай уур амьсгалтай хөдөө аж ахуйн бусад олон бүс нутгийн нэгэн адил цэвэр усны хомсдолд ороод байгаа аж. Харин өтгөн манан байнга татдаг Лимпопо мужид шигүү нүх бүхий 4 метр орчим өргөн, загасны торыг санагдуулам хялбар хийцтэй төхөөрөмж ашиглан ус гарган авахаар төлөвлөжээ. Намибийн цөлийн судалгааны сангийн эрдэмтдийн тооцоолсноор энэ төхөөрөмж нь манангийн чийгийг агшаан шингэн хэлбэрт оруулах ёстой ажээ. Ийм аргаар хэдий хэмжээний болон ямар чанартай ус гарган авч болох нь чийглэгийн ер бусын «эх сурвалж» гэдэг хээрийн туршилтын явцад тодорхой болох гэнэ. Торонд хоногт 2500 хүртэл литр чийг унадаг байна. Энэ шинэ төхөөрөмж нь худгийн бохир ус уухад хүрээд буй суурингуудын иргэдийн хувьд асуудлыг шийдэх гарц болно гэж судлаачид үзэж байна. ӨАБНУ-ын Шинжлэх ухаан, үйлдвэрлэлийн судалгааны зөвлөлийн мэдээлснээр, тус улсад жилд 490 мм хур тунадас ордог нь дэлхийн дундаж үзүүлэлтээс хоёр дахин бага гэнэ. Түүгээр ч барахгүй дэлхийн уур амьсгалын өөрчлөлтөөс гарах уршгийг тооцолгүйгээр Африкчууд 2025 он гэхэд ундны усны ноцтой хомсдолд орно. Түүнээс гадна, тус улсын бүс нутгууд ойрын 10 жилийн хугацаанд цөлжиж магадгүй байна.

Т.Энхэлээ

    Тшиава суурингийнхан Өмнөд Африкийн хуурай уур амьсгалтай хөдөө аж ахуйн бусад олон бүс нутгийн нэгэн адил цэвэр усны хомсдолд ороод байгаа аж. Харин өтгөн манан байнга татдаг Лимпопо мужид шигүү нүх бүхий 4 метр орчим өргөн, загасны торыг санагдуулам хялбар хийцтэй төхөөрөмж ашиглан ус гарган авахаар төлөвлөжээ. Намибийн цөлийн судалгааны сангийн эрдэмтдийн тооцоолсноор энэ төхөөрөмж нь манангийн чийгийг агшаан шингэн хэлбэрт оруулах ёстой ажээ. Ийм аргаар хэдий хэмжээний болон ямар чанартай ус гарган авч болох нь чийглэгийн ер бусын «эх сурвалж» гэдэг хээрийн туршилтын явцад тодорхой болох гэнэ. Торонд хоногт 2500 хүртэл литр чийг унадаг байна. Энэ шинэ төхөөрөмж нь худгийн бохир ус уухад хүрээд буй суурингуудын иргэдийн хувьд асуудлыг шийдэх гарц болно гэж судлаачид үзэж байна. ӨАБНУ-ын Шинжлэх ухаан, үйлдвэрлэлийн судалгааны зөвлөлийн мэдээлснээр, тус улсад жилд 490 мм хур тунадас ордог нь дэлхийн дундаж үзүүлэлтээс хоёр дахин бага гэнэ. Түүгээр ч барахгүй дэлхийн уур амьсгалын өөрчлөлтөөс гарах уршгийг тооцолгүйгээр Африкчууд 2025 он гэхэд ундны усны ноцтой хомсдолд орно. Түүнээс гадна, тус улсын бүс нутгууд ойрын 10 жилийн хугацаанд цөлжиж магадгүй байна.

Т.Энхэлээ