Монгол Улсын зам, тээврийн салбарыг хөгжүүлэхэд идэвх санаачилга, үр бүтээлтэй ажиллаж, салбарын хөгжилд бодитой хувь нэмэр оруулсан дараах нэр бүхий хүмүүсийг Монгол Улсын Ерөнхийлөгчийн зарлигаар Төрийн дээд одон медалиар шагнасан юм. Энэ шагналыг өнөөдөр Зам, тээврийн сайд А.Гансүх болон Төрийн нарийн бичгийн дарга Б.Батзаяа нар гардууллаа.Хөдөлмөрийн гавъяаны улаан тугийн одонгоор Авто замын Өлзийт төлбөр хураах цэгийн ахлагч Д.Дамбадагва, Алтан гадас одонгоор УБТЗ-ын Олон улсын Тээвэр зуучийн төвийн эдийн засагч Б.Хоролготов, УБТЗ-ын С.Бат-Эрдэнэ, Эрчим хүч, ус хангамжийн 1-р ангийн ажилтан, “МИАТ” ХК-ийн Ахмадын хорооны дэд дарга Очирын Оюун нар шагнууллаа. Мөн Хөдөлмөрийн хүндэт медалийг УБТЗ-ын ачаа хамгаалагч Д.Эрдэнэчимэг, Монголын төмөр замчдын Үйлдвэрчний эвлэлийн хорооны дарга Х.Ганболд, Авто замын хяналт, эрдэм шинжилгээ, судалгааны төвийн мэргэжилтэн Л.Чимгээ нар хүртсэн байна.
