Сирийн ерөнхийлөгч Башар ал-Ассадыг эсэргүүцсэн иргэдийнхээ эсрэг хүч хэрэглэж буй тус улсын Засгийн газар 250 гаруй хүүхдийн аминд хүрээд байгааг НҮБ-аас мэдэгдлээ. Башар ал-Ассадын зэвсэггүй иргэдэд хэрхэн зэрлэгээр хандаж байгаа тухай 39 хуудас материал цугларчээ. Үүн дото хоёр настай охиныг “жагсаал хийдэг босогч болгомооргүй байна“ гэж хэлээд буудсан нэгэн офицерийн хэрэг ч орж байгаа юм. Өнгөрсөн гурав дугаар сараас хойш 3500 гаруй энгийн иргэн амиа алдаад байгаагийн ихэнхи нь толгойдоо буудуулсан байжээ. Энэ нь иргэдийн амийг санаатайгаар хороож байгаагийн баталгаа гэж “The Guardian” сонины сэтгүүлч бичжээ.