Америкийн “ALS” нийгэмлэг эдгэршгүй хүнд өвчтэй хүмүүст туслахаар “Ice Bucket Challange” аянг эхлүүлсэн юм. Үүнд оролцсон хүн бүр нэг бол хувин дүүрэн мөстэй хүйтэн усыг өөр дээрээ асгана эсвэл 100 доллар хандивлана. Энэ удаа алдарт жүжигчин Вин Дизель Путин, Обама, Анжелина Жоли гурвыг дуудсан байна.

“Ice Bucket Challange” буюу ”Мөстэй усны дуэль” Монголд өрнөж байна. Олны танил эрхмүүд өөр дээрээ цэв хүйтэн ус асгаж нэг нэгнээ уриалах ба тэд ЭХЭМҮТ-д эмчлүүлж буй цусны хорт хавдартай хүүхдүүдэд 50-100 мянган төгрөг хандивлах болзолтой юм. ”Мөрөөдлийн театр”-ын жүжигчин Батушкагаас эхлэсэн дуэль ”Эмоци” продакшны жүжигчин Төтөгөөр үргэлжилсэн. Харин энэ удаа ”Гурван охин” хамтлагийн дуучин Анхмаа “Ice Bucket Challange” аянд нэгджээ.