УИХ-ын өнөөдрийн нэгдсэн чуулганаар нийт 30 асуудлыг хэлэлцэнэ. Тухайлбал, ХХААХҮ-ийн сайдыг томилох, ЗТХ-ийн сайдыг үүрэгт ажлаас нь чөлөөлөх, БСШУС-ын сайдыг огцруулах тухай Ерөнхий сайдын санал, Засгийн газраас нэн яаралтай дэгээр өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуулийн төсөл “Ханшийн өсөлттэй холбогдуулж хийсэн интервенци, мөнгөний болон төсвийн бодлогын уялдаа, Засгийн газрын өрийн талаар” тавьсан асуулгын талаар Д.Эрдэнэбат гишүүнээс Ерөнхий сайдад тавьсан асуулгын хариуг үргэлжлүүлэн сонсоно.
Мөн чуулганд Ерөнхийлөгч Х.Баттулга оролцож, хаалттай горимоор мэдээлэл хийнэ. Өчигдрийн нэгдсэн чуулганы хуралдаанаар дээрх гурван сайдын асуудлыг хэлэлцэх байсан ч чуулганы ирц бүрдээгүйн улмаас чуулган завсарласан. Мөн өнөөдөр ч дээрх товлогдсон асуудлуудыг хэлэлцэх нь тодорхойгүй байна. Учир нь УИХ-ын гишүүн Л.Оюун-Эрдэнэ, Л.Болд, Ж.Батзандан, Т.Аюурсайхан, Х.Нямбаатар нар “Өнөөдөр УИХ-ын дарга өөрийн хүсэлтээр УИХ-ын даргын суудлаас чөлөөлөгдөх хүсэлтээ гаргахгүй бол тэмцлийн хурц хэлбэр рүү шилжинэ. УИХ-ын дарга М.Энхболдыг өрөөнөөс нь чирч гаргана” гэдгээ мэдэгдсэн юм.
Р.Хишигжаргал
Сэтгэгдэл (6)