Олон Улсын Статистикийн боловсролын төслөөс статистик тоон мэдээллийг харуулсан постер буюу зурагт хуудасны уралдааныг зарлалаа.

Уралдаанд их, дээд сургуулийн бакалаврын эсвэл коллежийн оюутан, дунд сургуулийн сурагч (2000-2003 онд төрсөн сурагчид), дунд сургуулийн сурагч(2003 оноос хойш төрсөн сурагчид) гэсэн гэрван ангиллаар оролцох боломжтой юм. Түүчлэн 2-5 хүнээс бүрдсэн баг болж оролцох бөгөөд ганц хүний бүтээлийг хүлээж авахгүй аж.

Бүтээлийг энэ сарын 25-ны өдрийн 16.00 цаг хүртэл Үндэсний статистикийн хороо өөрийн байрандаа хүлээж авах бөгөөд ялагчдыг 29-ний өдөр тодруулахаар тогтжээ.

Хэрэв уралдаанд оролцогчдын бүтээл олон улсад байр эзэлвэл 200-2000 евроны шагналын эзэн болох боломжтой юм.

Дараах хуудсаар зочилж дэлгэрэнгүй мэдээллийг авна уу. https://www.nso.mn/content/2153#.XH4KkIkzbIU