Эгчийгээ найзтайгаа нийлж хөнөөсөн Б нарт холбогдох хэргийн шүүх хурал Баянзүрх дүүргийн Эрүүгийн хэргийн анхан шатны шүүхэд үргэлжилж байна.
Тодруулбал, өнгөрсөн оны дөрөвдүгээр сарын 21-ны өдөр Баянзүрх дүүргийн Саруул хороололд гал гарч 27 настай эмэгтэй амиа алдсан байдалтай олдсон. Хэргийн мөрөөр Нийслэлийн цагдаагийн газрын Мөрдөн шалгах газрын Хүнд гэмт хэрэгтэй тэмцэх хэлтсийн алба шуурхай ажиллаж, хэрэгтэн баривчилсан юм. Хэргийг талийгаачийн төрсөн дүү 19 настай Б нь хувийн өш хонзонгийн улмаас хоолойг нь боомилж хөнөөгөөд, улмаар хэргийн ул мөрөө баллахын тулд гэрт гал тавьсан байдаг. Тэрбээр тус хэргийг үйлдэхдээ өөрийн найз Э-тэй хамтран үйлдсэн нь мөрдөн байцаалтын явцад тогтоогдсон.
Энэ талаар бид эргэн мэдээлэх болно.
Б.Лхам
Сэтгэгдэл (1)