Улсын ерөнхий прокурор Б.Жаргалсайхан сэтгүүлч Л.Мөнхбаясгалан тэргүүтэй "Цензургүй баг"-ийнханд цаг үеийн асуудлаар тодруулга өгчээ.
Тэрбээр "Ерөнхийлөгчийн айлчлалын бүрэлдэхүүнд багтаж явсан нэг зорилго нь АНУ-ын прокуророос туршлага судлах, албан хаагчдаа сургахад чиглэсэн. Төр, нийтийн ашиг сонирхлыг хамгаалах чиглэлээр АНУ-ын прокуророос туршлага судлах ажилтай байсан. Хамгийн гол ажил нь Авлигатай тэмцэх конвенцийн дагуу тодорхой зүйлийг хамтарч хийхээр явсан.
Авлигын эсрэг конвенцид Монгол Улс нэгдэн орсон байдаг. Дэлхийн 190 гаруй улс нэгдэн орсон байна. Энэ чиглэлээр хамтарч ажиллах санал тавьсан. Нүүр тулсан уулзалт гэдэг бол нэгдүгээрт, энэ ажлыг шуурхай явуулах, нэг ойлголцолд хүрэх байдаг. Тодорхой үр дүнд хүрсэн.
Авлигатай тэмцэх конвенцийн дагуу бүх улстай эрх зүйн туслалцааны хүрээнд ажиллана. Хуулийнхаа хүрээнд хандсан байгаа. АНУ-д байгаа хөрөнгийг битүүмжилж, царцаах Монгол Улсад буцаан олгох талаар ажиллаж байна. Гэхдээ авлигаар авсан эсэхийг нь тогтоосны дагуу. Тэгэхээр авлигаар АНУ-д худалдаж авсан хөрөнгө Монголд орж ирнэ гэж ойлгож болно.
Манай мөрдөх байгууллагууд эрх зүйн туслалцаа үзүүлэх хоёр чиглэлээр ажилладаг. Нэгдүгээрт, байгуулсан гэрээний хүрээнд. Өнөөдрийн байдлаар 20 улстай гэрээтэй. Хамгийн сүүлд Хонгконгтой гэрээ байгуулсан. Хоёрдугаарт, сая ярьдаг Авлигатай тэмцэх конвенц. Шүүгчтэй холбоотой асуудал мөрдөх байгууллагын хийдэг ажлын нэг нь. Ямар ч байсан ажиллаж байгаа" гэсэн байна.
С.Сүлд
Сэтгэгдэл (4)